Edi Rama, rezervisti i Putinit në Ballkan

15 Mars 2022, 10:31, Opinione CNA

Nga Lisandër Hoxha

Protestat kundër varfërisë dhe korrupsionit nuk janë pro Ruse.

Protestat kundër monopoleve të ortakëve të pushtetit nuk janë pro Ruse.

Protesta për keqqeverisjen e vendit nga Rama nuk është pro Ruse.

Të dashur miq, prej disa ditësh stafi mediatik i Edi Ramës ka tentuar të hedhë baltë mbi situatën katastrofike ekonomike të krijuar nga vetë Qeveria, e cila ka detyruar me mijëra qytetarë të bllokojnë rrugët dhe sheshet e vendit.

Kjo protestë nuk nisi nga lufta në Ukrainë, por u përdor ky pretekst nga Qeveria Rama për të rritur në mënyrë abuzive të gjitha çmimet e shportës në të njëjtën ditë.

Që nga nafta dhe deri te buka u rriten nga 20%- 40%

Kjo dha efekt të menjëhershëm te shqiptaret, të cilët kaluan në maseë të madhe nën minimumin jetik.

Varfëria, si pasojë e keqqeverisjes, është motivi që nxori në rrugë qytetarët, të cilët nuk durojnë dot më këtë hipokrizi qeverisëse.

Po përse i duhet Qeverisë të fyejë protestuesit dhe t’i etiketojë ata si vegla pro Ruse?

Kjo bëhet për të justifikuar dështimin e saj dhe për të patur një pretekst me ndërkombëtarët, të cilët po e ndjekin me shqetësim situatën.

Ky rast është tipiku i ‘hajdutit që therret kapeni hajdutin’.

Njeriu që theu embargon e Perëndimit ndaj Rusisë quhet Edi Rama.

Permes Open Balkans, Rama po kthehet në importuesin kryesor të mallrave ruse në Ballkan.

Siç dihet botërisht Serbia është rreshtuar në krah të Rusise dhe kryen tregti lirisht me Federaten Ruse.

Ajo ka marrë rolin e furnizuesit me shumicë të rajonit me mallra ruse duke e bërë edhe qesharak rolin e Shqipërisë në mbështetje të SHBA-ve.