E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

Vrau burrin që tentoi ta përdhunonte/ 54-vjeçarja në gjak me familjen e tij

10 Mars 2022, 13:24, Aktualitet CNA

Një histori prej atyre që të bëjnë të mendosh dy herë nëse janë të vërteta. Resmie Gjana ka vrarë në vitin 1997 një person. Ajo ishte vetëm 29-vjeçare kur një person kishte dashur ta përdhunonte.

Ai e bezdiste vazhdimisht dhe Resmie një ditë kur ishte në dyqan nuk kishte duruar më dhe e kishte qëlluar. Ajo e ka vrarë me çifte në kokë duke e lënë të vdekur në vend. Resmie ka bërë vetëm 1 vit burg për armëmbajtje pa leje, ndërsa nuk është dënuar për krimin.

Burgu i saj i vërtetë ka nisur pas ngjarjes, pasi ajo është ngujuar në një fshat të thellë. Resmie ka rritur në varfëri ekstreme fëmijët e saj dhe po jeton në kushte mizore në fshat. Ajo është krejtësisht e izoluar, pa drita dhe jeton në kontenier.

Resmie ka në krah të saj bashkëshortin 95-vjeçar, Vale Gazidedja. Një jetë pa jetë, e jetuar mes 1 milion vështirësive. Resmie tregoi se e ka vuajtur shumë pjesën e daljes nga burgu dhe kujtimet e saj për ngjarjen.

Ditën e sotme, 54-vjeçarja ka dhënë një intervistë ekskluzive për emisionin ?Shqipëria Live? në Top Channel, ku ka treguar se ka 41 vite diferencë me burrin e saj.

Më pas ajo tregon se si personi që ka vrarë i vinte herë pas here vërdallë në dyqanin që kishin në fshat.

?Ishim në fshat, hapëm një dyqan. Kisha 3 kalamaj. Vinte një vërdallë dhe fliste llafe koti. Po mbyllja dyqanin për të ikur, kur më kap për krahu. Nuk më shkoi në mendja dhe ika. Kisha çiften unë. U afrua te avllia, sa u afrua e vrava. Erdhi policia dhe më tha kë ke vrarë?, tregon 54-vjeçarja.

Kjo e fundit rrëfen se është dënuar vetëm me 1 vit burg për akuzën ?Armëmbajtje pa leje?.

?Dalja nga burgu ka qenë e vështirë. Nuk shkova më në Dibër kur dola nga burgu, erdhëm këtu. Kam qenë 29 vjeçe. Prej atyre erdhën këto vuajtje. Jemi të ngujuar. Nuk japin asnjë përgjigje familjarët e tij. Nuk kemi frikë për vete, por për fëmijët. Ata kanë vuajtur shumë. Kemi dalë duke thënë na vranë, na vranë ose shyqyr që shpëtuam?, tha Resmie.

Gruaja shtoi se nuk është penduar për krimin që ka bërë, pasi ai ishte njeri i rrezikshëm. Madje tregoi se fshatarët dhe familja i kanë thënë ?bravo për atë lloj njeriu që ishte?./Shqip