web counter
LEXO PA REKLAMA!

SHKARKO APP

App Store
Google Play

Arrestimi i protestuesve/ Thirrja urgjente: Boll me retorika boshe, duhet të mbrohen me ligj

10 Mars 2022, 09:56, Aktualitet CNA

Anëtari i Bordit Drejtues të Bindjes Demokratike, Leonard Olli ka reaguar në lidhje me arrestimin e disa prej qytetarëve që protestuan dje kundër rritjes së çmimeve.

Në një postim në rrjetet sociale, Olli i bën thirrje të gjithë shoqatave të avokatëve dhe juristëve që të ofrojnë ndihmë të menjëhershme ligjore falas për çdo qytetar të arrestuar.

Po ashtu Olli i cilëson si qesharake akuzat e ngritura ndaj të arrestuarve, ndërsa thekson se është koha që të mbrohen me ligj.

Dhe kjo sipas tij është në dorën e deputetëve të Opozitës, të cilët sa më parë duhet të depozitojnë në Kuvend ligjin.

Olli thekson se të drejtat e njeriut në këtë vend nuk mund të mbrohem më me patetizma dhe retorika boshe politike, por me ligj.

?Nëse shoqëria shqiptare ka sadopak ndjenjën e solidaritetit dhe shpirtit të revoltës, sot është dita ta dëshmojë! I bëj thirrje nga zemra gjithë shoqatave të avokatëve dhe juristëve që të ofrojnë ndihmë të menjëhershme ligjore falas për çdo qytetar të arrestuar sepse protestoi kundër abuzimit me çmimet në treg dhe papërgjegjshmërisë dhe heshtjes kriminale të qeverisë!

Akuzat qesharake për prishje të qetësisë publike dhe pengimit të qarkullimit duhen të kufizohen me ligj dhe për këtë barra iu bie deputetëve të opozitës që ta kalojnë sa më parë në Kuvend.

Të drejtat e njeriut në këtë vend nuk mund të mbrohem më me patetizma dhe retorika boshe politike, por me ligj, sikundër duhet të funksionojë monimalisht një shtet i së drejtës, e për më tepër e drejta më minimaliste e protestës! Koha të dëshmohet serioziteti i nevojshëm për ta ndalur instalimin e plotë të shtetit policor, praktikisht autokracisë së plotë!?-shkruan Leonard Olli./CNA.al





Lajmet e fundit nga