web counter
LEXO PA REKLAMA!

SHKARKO APP

App Store
Google Play

E fundit!

x

Rusia, rikthen në skenë Kosovën/ Pse duhet të pavarësohen shqiptarët dhe një popull si Krimeja jo

10 Mars 2022, 11:02, Kosova & Bota CNA

Ministri i Jashtëm rus Sergey Lavrov në tavolinën e bisedimeve me Ukrainën, ka rikthyer në skenë Kosovën.

Në deklaratën për shtyp, pas takimit, Lavrov u shpreh se NATO krijoi bombardime për të shkatërruar Jugosllavinë dhe Perëndimi mbështeti Kosovën kur shpalli pavarësinë.

Ndaj një gjë të tillë Perëndimi, sipas tij, duhet të bëjë edhe për Krimenë.

 ?Kemi ndjekur mënyrën diplomatike deri në fund. Kemi dërguar propozimet tona përmes një drafti. Na është thënë se Ukraina është e jona dhe ne do të vendosim se çfarë do të jetë Ukraina. Pjesa më e madhe e atyre që kërkuam u refuzua.

Ne duam një Ukrainë miqësore që nuk përbën kërcënime. Që nuk është një vend nazist. Që nuk do ndalojë gjuhën, kulturën ruse dhe kishën ortodokse ruse. Kjo reflektohet në apelet tona. Gjithmonë ka pasur një heshtje nga pala ukrainase.

Gjuha ruse u përball me pengesa ndërkohë që ajo duhet të respektohej në kushtetutë nga pala ukrainase. Perëndimi heshti dhe kjo tregoi se perëndimi punoi kundër interesave ruse. Nuk pati referendum në Kosovë.

NATO krijoi një situatë me bombardime për të shkatërruar Jugosllavinë. Kur Kosova shpalli pavarësinë Perëndimi e përshëndeti.

Pse duhet ta bëjnë shqiptarët këtë dhe një popull si Krimeja të mos e bëjë.

Një vend si Britania ka qenë gjithmonë për të ndaluar vendet e mëdha në Ballkan. Nuk ka të bëjë me Ukrainën por me agresion kundër gjithçkaje që ka të bëjë me Rusinë?, u shpreh Lavrov./CNA.al





Lajmet e fundit nga