web counter
LEXO PA REKLAMA!

SHKARKO APP

App Store
Google Play

Rriten çmimet, por jo rrogat/ Çfarë dreqin po ndodh në këtë vend!?

9 Mars 2022, 17:11, Aktualitet CNA

Qindra qytetarë janë mbledhur para Kryeministrisë ku po protestojnë për rritjen e çmimeve, ku brenda ditës nafta mund të rritet disa herë, ndërsa produktet ushqimore janë rritur pothuajse të gjitha me 30-50 lekë më shumë.

Gjatë fjalës së tij, avokati Adriatik Lapaj,tha se në rajon qeveritë kanë marrë masat. Ai deklaroi se protesta nuk do të ndalojë deri në gjetjen e një zgjidhjeje.

“A janë rritur rrogat në këtë vend? A është rritur çmimi i fasuleve? çfarë dreqin po ndodh në këtë vend? Qeveritë e rajonit kanë marrë masa, kjo nuk është krizë e Shqipërisë, këtu reflektohet, si mund të rriten çmimet me 40%? Nafta do të mbetet 1.5 euro sot në Serbi, në Maqedoni u vendos nga ENTI çmimi tavan 1.5 euro, në Kosovë në shtetin më të ri të Evropës u vendos që shitësit me shumicë të mos kenë marzh fitimi më shumë se 3%.

Në Greqi, qeveria lançoi një paketë për shtresast në nevojë dhe pritet një paketë e plotë brenda javës.

A keni parë ndonjë masë nga Republika e Shqipërisë? A jeni dakord?

Ju përshëndes, nuk ndalemi derisa të ndalojnë këta? Kjo është protestë për nënat dhe baballarët tanë?, tha ai./E.T-CNA.al

 





Lajmet e fundit nga