web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimeve/ LSI kërkon anulimin e koncesionit të inceneratorit të Tiranës, me ato para të ndihmohen shqiptarët

9 Mars 2022, 15:18, Aktualitet CNA

Kryetarja e LSI, Monika Kryemadhi, ka dalë me një reagim në rrjetet sociale, ku bën thirrje të anulohet koncesioni i inceneratorit të Tiranës.

Sipas Kryemadhit me ato para duhet  të subvencionohen familjet, fermerët dhe bizneset shqiptare të cilët duhet të përballojnë rritjen e çmimeve.

Kryemadhi thekson se është fakt që ky koncesion 30-vjeçar është mundësuar nga kryebashkiaku i Tiranës Erion Veliaj, i cili ka shpërdoruar detyrën duke aprovuar atë pa vendim këshilli bashkiak, siç e parashikon ligji.

“Anulloni koncesionin e inceneratorit të Tiranës dhe subvenciononi me ato para familjet, fermerët, bizneset shqiptare, për të përballuar shtrenjtimin e naftës, energjisë dhe çmimeve!

Është fakt se ky koncesion 30 vjeçar është mundësuar nga Erion Veliaj, i cili ka shpërdoruar detyrën duke e aprovuar atë pa vendim këshilli bashkiak, siç e parashikon ligji.

Ky koncesion 30 vjeçar i lidhur për të vjedhur qytetarët, i ka mundësuar ITS së Klodian Zotos të realizojë deri më sot një evazion fiskal 25 milionë dollarë.

Ky koncesion i mundësuar nga Erion Veliaj, i ka çuar paratë e qytetarëve për kompani fantazëm, për shpenzime absurde si konsulenca të vetvetes dhe udhëtime luksoze në mesin e pandemisë.

Këto janë para të shqiptarëve!

Sot, kryeministri e qeveria është nisur drejt Dubait me Charter, pronarët e inceneratorëve mund të jenë duke bërë plazh në Maldive, ndërsa shqiptarët e vjedhur prej tyre, në orën 17:00 do të jenë në protestë para kryeministrisë! 

Unë zgjedh të jem me qytetarët dhe është koha që të gjithë të jemi me Shqipërinë.

Kjo pritet edhe nga SPAK, i cili urohet të veprojë sa më shpejt, ndryshe nga rasti i Elbasanit, e të mos presë 30 vjet, derisa kompania ti ketë marrë të gjitha pagesat.”/ E.T-CNA.al





Lajmet e fundit nga