web counter
LEXO PA REKLAMA!

SHKARKO APP

App Store
Google Play

Nuk u votua në 3 qendra votimi në Shkodër/ Ish kreu i KQZ tregon se kur mund të përsëriten zgjedhjet

6 Mars 2022, 22:13, Aktualitet CNA

Ish kreu i KQZ, Kristaq Kume ka folur mbi problematikat që u hasën sot në Shkodër gjatë procesit zgjedhor.

Si shkak i motit të keq disa prej komisionerëve nuk u paraqitën në qendrat e votimit dhe një numër qytetarësh mbetën pa votuar konkretisht në 3 qendra votimi.

Ish kreu i KQZ u shpreh se nëse pas publikimit të rezultatin e zgjedhjeve në Shkodër, kandidati fitues nuk arrin të marrë më shumë se 100 apo 1300 vota, atëherë do të kishte një përsëritje të tyre për zgjedhjen e kreut të bashkisë.

?Sa kohë këto zgjedhje të pjesshme nuk u realizuan sipas afateve të Kodit Zgjedhor, pra në një mot të qëndrueshëm kjo situatë pritej ashtu siç ndodhi në rastin e Shkodrës.

Në këtë rast Kodi Zgjedhor e ka parshikuar se çfarë bëhet dhe si duhet të veprohet. Duke theksuar faktin se mos-realizimi i procesit zgjedhor në një qendër votimi, arrin të ndikojë në ndarjen e mandateve, zgjedhjet duhet të përsëriten. Nëse numri i zgjedhësve në këto qendra votimi është më i madh sesa numri i votave që kandidati i parë ka më shumë sesa i dyti, zgjedhjet duhet të përsëriten.

Nëse mes të parit dhe të dytit, nuk do ketë një diferencë më shumë se 1200 apo 1300 votash, në bashkinë e Shkodrës duhet të bëhen sërish zgjedhje të tjera për kreun e bashkisë?, tha ai./CNA.al

 





Lajmet e fundit nga