web counter
LEXO PA REKLAMA!

SHKARKO APP

App Store
Google Play

Pjesëmarrja në votime/ Socialistët të favorizuar në 5 nga 6 bashki

6 Mars 2022, 20:43, Aktualitet CNA

Qytetarët e bashkive Durrës, Vorë, Rrogozhinë, Lushnje, Dibër dhe Shkodër i janë drejtuar sot kutive të votimit për zgjedhjen e pjeshshme lokale.

Pjesëmarrja në votime gjatë gjithë ditës ka qenë e ulët, ndonëse ka pasur thirrje në mënyrë të vazhdueshme nga politikanët, kandidatë dhe jo vetëm për të ushtruar të drejtën e votimit.

Pjesëmarrja në të gjashtë bashkitë përllogaritet në 30.26 përqind.

Bashkia Dibër ka kryesuar me pjesëmarrjen në votime me  43.35%, ndërsa më dobët, pjesëmarrja ka qenë në Durrës me 26.43%.

Në një krahasim me vitin 2019, kur opozita bojkotoi zgjedhjet, numri i pjesëmarrësve në Bashkinë Dibër ka qenë 29.1% në Dibër ndërsa sot kanë votuar 43.35 përqind e zgjedhësve, pra shifrat tregojnë se ka 14.25% më shumë votues në 2022.

Në Bashkinë Shkodër në zgjedhjet e 2019 numri i pjesëmarrësve ka qenë 10.33 përqind, ndërsa sot kanë votuar  28.63 përqind e zgjedhësve. Pra kanë votuar 18.8% më shumë e qytetarëve me të drejtë vote.

Në Bashkinë Durrës në zgjedhjet e 2019 numri i pjesëmarrësve ka qenë 16.2% përqind, ndërsa sot në zgjedhjet e 2022, kanë votuar 26.43 përqind, pra shifrat tregojnë se ka patur 10.3 % më shumë pjesëmarrës.

Na Bashkinë Vorë në zgjedhjet e 2019, kanë votuar 21.66 përqind e zgjedhësve, ndërsa sot kutive të votimit i janë drejtuar 38.47 përqind. Pra ka patur 16.81% pjesëmarrje më të lartë krahasuar me 2019.

Në Bashkinë Lushnje në zgjedhjet e 2019, kanë votuar 28.34% përqind e zgjedhësve, ndërsa sot në zgjedhjet e 2022, kanë votuar 35.96 përqind, pra 7.62% më shumë qytetarë.

Në Bashkinë Rogozhinë, në zgjedhjet e 2019, kanë votuar 17.32 përqind e zgjedhësve, ndërsa sot kanë votuar 30.92%, pra 13.6% më shumë qytetarë .

Sot me këtë pjesëmarrje duket se socialistët janë të favorizuar në 5 nga 6 bashki por edhe Shkodra nuk ka asnjë garanci me këtë pjesëmarje.

Ndërkohë që rezultatet paraprake për Bashkinë e Vorës kanë konfirmuar tashmë kandidatin socialist Blerim Shera në avantazh./CNA.al

 





Lajmet e fundit nga