E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Grupe njerëzish rrethojnë qendrat e votimit në Bërxull/ Një makinë propagandë me materiale zgjedhore në Marikaj

6 Mars 2022, 16:55, Politikë CNA

Ndërkohë që dita e votimit duhet të karakterizohej nga respektimi i heshtjes zgjedhore nga subjektet zgjedhore, kandidatët dhe përfaqësuesit e medias, në kundërshtim me nenin 77 të Kodit Zgjedhor, pranë QV nr. 1558, 1158/1, 1559 dhe 1559/1 të vendosura pranë shkollës në Marikaj (Bashkia Vorë), gjatë orëve të mesditës është konstatuar prezencë e një automobili i cili ka të afishuara në brendësi të xhamave materiale propagandistike zgjedhore.

Kështu raporton Komiteti i Helsinkit, nga vëzhgimi në qendra e votimit në Vorë.

Në vazhdën e parregullsive nga ana e KQV-ve të Bashkive Vorë, në QV 1552/1 janë raportuar dy raste të zgjedhësve të cilët janë ndihmuar për të votuar, me pretendimin se zgjedhësit vuajnë nga sëmundje mendore.

Në cënim të nenit 108 K.Zgjedhor, anëtarët e KQV-së nuk kanë kërkuar nga ana e personave që kanë ndihmuar zgjedhësit paraqitjen e raporteve mjekësore që vërtetojnë paaftësinë e zgjedhësve për të votuar, ndërkohë që procesi nuk është dokumentuar as në Librin e Protokollit të Mbledhjeve.

Në QV 1552/1 janë konstatuar disa u konstatua një rast i një votuesi që tentoi të përdorte telefonin gjatë procesit të votimit, i cili u frenua nga Komisioni, në kundërshtim me nenin 109, pika 2 të Kodit Zgjedhor.

Gjithashtu tentativat për votim familjar janë ndaluar nga KQV, duke parandaluar kështu raste të votimit familjar.

Në oborrin e kopshtit të Berxullit, vendit ku ndodhen QV-të 2035,2035/1,2034,2034/1 evidentohen grupe njerëzish të paakredituar të cilët qëndrojnë për kohë të gjata jashtë. Këta persona, bazuar në nenin 109, pika 7 të Kodit Zgjedhor, nuk është e lejueshme të jenë prezentë.

Në QV 2034/1 procesi i votimit u ndërpre për arsye se Komisionerët kanë kërkuar pushim duke ju shtuar pushimit të shkurtër të drekës që morëm më përpara. Këto pushime nuk kanë marrë më tepër se 30 minuta së bashku.

Në 1552/1 kanë mbaruar procesverbalët e deklarimit për asistencën e votuesve, prandaj që nga ora 17.00 KQV po operon pa procesverbalë./CNA.al