E fundit!

20:38 Aktualitet

Përballë Nokës për postin e Sekretarit të Përgjithshëm të PD-së/ Korreshi: Ja kur e mora vendimin për të garuar

Deputeti Saimir Korreshi është vendosur përballë Flamur No...

Dimri i vetmisë së madhe për Lulzim Bashën/ Kryetari i shkarkuar, nga skandali në skandal

6 Mars 2022, 11:01, Politikë CNA

Sot po mbahen zgjedhjet e pjesshme vendore në gjashtë bashki, Durrës, Shkodër, Dibër, Vorë, Rrogozhinë dhe Lushnjë.

Por, një detaj që ka rënë në sy në këto zgjedhje, është fakti se Lulzim Basha duket më i braktisur se kurrë dhe se dimri i vetmisë së madhe për kryetarin e shkarkuar të PD, nuk ka fund.

Ndërkohë që Basha pretendon se ka ?shumicën? se demokratët janë me të, se ai është e ardhmja e të tjera broçkulla si këto, faktet tregojnë se ai është më i vetmuar se kurrë. Lulzim Basha nuk ka njerëz dhe këtë e tregon fakti se nuk ka arritur të gjejë komisionerë.

Në Bashkinë e Vorës, procesi i votimit në 22 qendra votimi ka nisur pa komisonerët e PD.

Kjo pasi Lulzim Basha në mungesë të njerëzve ka tentuar të çojë në Vorë, komisionerë nga Tirana, gjë që është hedhur poshtë, për shkak se nuk janë të së njëjtës bashki.

Fakti që Basha nuk ka komisionerë në Vorë, është pranuar edhe nga kreu I KQZ, Ilirjan Celibashi, por edhe nga deputetja e PD, Jorida Tabaku, e cila tentoi të justifikojë kryetarin e shkarkuar, duke thënë se ?kemi çuar të rinj të trajnuar?.

Por, duket se braktisja e Lulzim Bashës nuk ka filluar tani.

Burime për CNA.al bëjnë të ditur se braktisja e Bashës ka filluar që në 2017, ku në zgjedhjet e përgjithshme nuk kishte njerëz për të plotësuar emrat e komisionerëve në Korçë, por edhe në disa qytete të tjera.

Në 2017, Basha u katandis në disa KZAZ me 2-3 anëtarë komisioni dhe një vëzhgues.

Shumë qytete ngeleshin bosh, pas Basha nuk ishte në gjendje të gjente njerëz.

Po ashtu edhe në zgjedhjet e përgjithshme të 25 prillit 2021, ka pasur problematika të tilla, me komisionerët.

Pra, ndërkohë që Basha pretendonte të fitonte zgjedhjet, fakti është se nuk ishte në gjendje të mbulonte numrin e komisionerëve në të gjitha qytetet.

Ndërsa sot përsëritet e njëjta situatë. Por, nëse më parë ky skandal është tentuar të kalohet në heshtje, sot po bëhet zhurmë. Çështja është mediatizuar dhe është bërë publike.

Por, fakti është se kjo nuk ka nisur sot, ka nisur që në 2017. Thjeshtë dhe vetëm sot është bërë më e dukshme./CNA.al