web counter
LEXO PA REKLAMA!

SHKARKO APP

App Store
Google Play

E fundit!

x

“Po bëhen votime familjare”/ Tabaku tenton të justifikojë Bashën

6 Mars 2022, 09:45, Politikë CNA

Deputetja e PD, Jorida Tabaku ka dalë sot në një deklaratë për mediat, ku ka hedhur akuza ndaj PS dhe LSI, që sipas saj po refuzojnë të respektojnë vendimet e KQZ.

?Me një vendim të paprecedentë tre anëtare të PS bashkuan voten me anëtaret e LSI kanë refuzuar që të zbatojnë vendimin e komisionerit të zgjedhjeve  të marrë gjatë ditës së djeshme, për emërimin e komisionerëve të PD dhe vendimin e Kolegjit të Apelimit të marrë mbrëmë në orën 02.00 të natës. Ndërkohë që flasim në qendrat e votimit janë emëruar 22 sekretarët të cilët i përkasin PD dhe akoma nuk ka një vendim për kryetarët të cilët i përkasin po PD në 22 qendrat e tjera.

Të gjithë përfaqësuesit e PD janë nëpër komisione si vëzhgues por nuk janë duke kryer rolin e tyre si kryetar.

Unë iu bëj thirrje subjekteve politike të kalojnë përtej porosive partiake dhe politike, përtej atyre që i urdhërojnë me telefon dhe me mesazhe dhe të zbatojnë vendimin e Komisionerit të Zgjedhjeve dhe vendimin natën vonë mbrëmë të KAS-it.

Të gjithë përfaqësuesit e PD janë nëpër komisione. Unë që në orën 07.00 të mëngjesit kam lëvizur në pjesën më të madhe të qendrave dhe kam vënë re që ashtu siç e deklarova përfaqësuesit e PS me përfaqësuesit e LSI nëpër komisione kanë refuzuar që të zbatojnë këtë vendim.

I kërkoj të gjithë qytetarëve të Vorës, i kërkoj të gjithëe qytetarëve të Marqinetit, të Gërdecit, Marikaj, Muçajt, Fushë Prezë dhe të gjithë zonave përreth në bashkinë Vorë dhë të vijnë dhe të votojnë masivisht për subjektin Partia Demokratike.

Siç e shikoni në fletën e votimit ka vetëm një subjekt që e përfaqëson opozitën shqiptare që është Partia Demokratike, subjektet e tjera janë bërë të gjitha bashkë kundër Partisë Demokratike.“-deklaroi Tabaku.

Nga Vora, Tabaku tentoi të justifikojë Lulzim Bashën, i cili në mungesë të komisionerëve nga bashkia Vorë, ka dërguar komisionerë nga Tirana.

Sipas Tabakut, kjo është bërë pasi procesi i votimit elektronik ka vështirësi dhe PD ka çuar të rinj të trajnuar.

? Kemi sjellë komisionerë të rinj të cilët kanë kaluar procesin elektronik në Tiranë. Kam parë vështirësi. Ne sollëm të rinj të trajnuar.

Unë kam vënë re votime familjare, votime në grup dhe ne për ta kapërcyer këtë problem vendosëm të ishin të rinj të trajnuar.

Ajo që është e rëndësishme për të theksuar sot është PD i ka të gjithë vëzhguesit në terren. I bëj thirrje PS dhe LSI të mos bllokojnë procesin. Në të kundërt iu kujtoj se janë në paligjshmëri dhe do të përballen me kallëzim penal?-tha Tabaku./CNA.al

Dokumenti-Basha ngelet pa komisionerë/ I merr ?borxh? në Tiranë





Lajmet e fundit nga