web counter
LEXO PA REKLAMA!

SHKARKO APP

App Store
Google Play

Video-Me drogë e arsenal armësh në makina/ Arrestohen katër “të fortit” në Kukës

5 Mars 2022, 09:01, Kronika CNA

Finalizohet me sukses operacioni policor i koduar ?Fierza 2022?, ndërsa në pranga kanë rënë 4 shtetas.

Ata akuzohen se do të shisnin armë zjarri e lëndë narkotike. Burime zyrtare bënë me dije se bëhet fjalë për shtetasit; B. M., 35 vjeç, dhe B. M., 32 vjeç, banues në fshatin Koçanaj, A. P., 26 vjeç si dhe K. P., 26 vjeç, banues në Fierzë.

Sekuestrohen 3 armë zjarri (1 automatik, 1 mitroloz i lehtë dhe një pistoletë ECOL) municion luftarak dhe 33 kg lëndë narkotike kanabis.

“Strukturat e DVP Kukës, në bashkëpunim me Komisariatin e Policisë Tropojë, bazuar në informacionet e grumbulluara në rrugë operative se disa shtetas do të shisnin armë zjarri e  lëndë narkotike, organizuan punën dhe  nën drejtimin e dy  Prokurorive të Retheve Gjyqësore Tropojë e Kukës, si dhe me mbështetjen e Forcës së Posaçme në Departamentin e Policisë Kriminale në Policinë e Shtetit, zhvilluan dhe finalizuan operacionin policor të koduar ? Fierza 2022?.

Si rezultat i këtij operacioni u arrestuan në flagrancë shtetasit:

? B. M., 35 vjeç,  dhe B. M., 32 vjeç, banues në fshatin Koçanaj.

-A. P., 26 vjeç, dhe K. P., 26 vjeç, banues në Fierzë.

Këta shtetas u kapën në flagrancë nga shërbimet e Policisë, në aksin rrugor Bajram Curri-  Tropojë, në kryqëzimin e  fshatit Sopot, duke levizur me automjetet tip  ?Volksëagen? dhe ?Benz?.

Gjatë kontrollit të ushtruar në automjete, Policia gjeti dhe sekuestroi në cilësinë e provës materiale 33 kg lëndë narkotike e dyshuar kanabis e paketuar në qese, 3 armë zjarri ( 1 automatik, 1 mitroloz i lehtë dhe një pistoletë tip Ecol),  900 euro, dhe dy automjetet tip ?Volksëagen? dhe ?Benz?.

Vijon puna për identifikimin dhe kapjen e  personave të tjerë, të implikuar në këtë veprimtari kriminale.

Materialet i kaluan Prokurorisë pranë Gjykatës së Shkallës së Parë Tropojë, për veprat penale ?Prodhimi dhe shitja e narkotikëve? dhe ?Mbajtja pa leje e armëve luftarake dhe e municionit?, kryer në bashkëpunim.”-njofton policia./CNA.al





Lajmet e fundit nga