web counter
LEXO PA REKLAMA!

SHKARKO APP

App Store
Google Play

I dënuar për vjedhje dhe armëmbajtje pa leje/ Kandidati i Lul Bashës gënjeu në formularin e dekriminalizimit

2 Mars 2022, 20:16, Aktualitet CNA

Lulzim Basha do të shkojë në zgjedhjet e  6 marsit, me dy kandidatë të dënuar më herët për vepra penale të ndryshme.

Pas kandidatit për Bashkinë e Vorës Ymer Marku i cili ishte proceduar penalisht për pastrim dhe fshehje pasurie, jo pak zhurmë bëri dhe emri i kandidatit për bashkinë e Rogozhinës, Ferdinand Saraçi.

Referuar formularit dekriminalizimit të depozituar në KQZ, Ferdinand Saraçi rezulton se ka qenë i dënuar në Itali për veprën penale ?armëmbajtje pa leje?.

Akuza i përket datës 18 janar të vitit 1999, ku ai është dënuar me 4 muaj burg dhe 100 mijë lireta gjobë, për veprën penale të mbajtjes së armës pa leje në banesë.

Saraçi ka ndryshuar gjithashtu edhe emrin nga Fredi në Ferdinand, ndërsa thekson se ka qëndruar Itali për biznes dhe punë gjatë periudhës 1996-2001.

Megjithatë e shkuara e errët e kandidatit të Lul Bashës nuk mbyllet me kaq.

Sipas burimeve të CNA.al, Saraçi dyshohet se ka qenë i dënuar edhe për vjedhje në Itali dhe këtë nuk e ka deklaruar në formularin e dekreminalizimit.

Madje kandidati i Lulit përflitet se dhe dëftesën e shkollës së mesme e ka falsifikuar, ndaj dhe nuk e nxjerr dot./CNA.al

FOTO FAKT/Kandidati i Bashës në Rrogozhinë i dënuar për armëmbatje pa leje

Kandidati i Bashës i dënuar në Itali/ Prokuroria vihet në lëvizje





Lajmet e fundit nga