“Të gatshëm të ndihmojnë vullnetarisht”/ Mjekët shqiptarë në BE, mbështetjeje e solidariteti me Ukrainën

2 Mars 2022, 17:21, Aktualitet CNA

Federata e Mjekëve Shqiptarë në Europë është solidarizuar me popullin, personelin mjekësor dhe pacientët e Ukrainës pas sulmit rus.

Në një letër drejtuar shefes së KE-së, Von der Leyen e kreut të OBSH-së Adhanom Ghebreyesus, ata dënojnë dhunën në Ukrainë dhe bëjnë thirrje për shmangien e sulmeve ndaj spitaleve e klinikave mjekësore.

Po kështu ata i kanë dërguar një letër të hapur edhe presidentit rus Putin me titull ?Lufta nuk është zgjidhje?.

LETËR SOLIDARITETI PËR UKRAINËN dhe NDIHMË IMEDIATE

Federata e Mjekëve Shqiptarë në Europë këtë të shtunë ka njoftuar mbajtjen e Konferencës së 11-të europiane ku do ketë edhe përfaqëues shtetërorë nga Shqipëria, Kosova e Maqedonia e Veriut.

Në emër të të gjithë Mjekëve në Federata e Mjekëve Shqiptare në Europë (AMFE), ju kemi shkruajtur Komisionit Europian, ËHO dhe strukturave internacionale duke ju ofruar mbështetjen tonë me personel mjekësor dhe Donacione për Ukrainën.
Federata e Mjekëve Shqiptare në Europën (AMFE), një organizatë ndërkombëtare jofitimprurëse shkencore dhe shëndetësore, është rrjeti i 25 Degëve Kombëtare të AMFE-së në Evropë dhe më gjerë.

Misioni ynë është të ruajmë jetën njerëzore, pavarësisht nacionalitetit apo rracës, kudo ku njerëzit vuajnë.

Federata e Mjekëve Shqiptare në Europë (AMFE) është e tmerruar nga situata aktuale kritike në Ukrainë. Prandaj, ne i bashkohemi organizatave të tjera humanitare ndërkombëtare për të mbështetur fuqishëm popullin ukrainas. Punonjësit e kujdesit shëndetësor dhe objektet e kujdesit shëndetësor në veçanti nuk duhet të jenë në shënjestër nga asnjë lloj agresioni. Zemrat tona janë me kolegët tanë mjekësorë, pacientët dhe popullin ukrainas, të cilët po bëjnë një punë madhështore, për të mbrojtur dhe shpëtuar jetë njerëzore në Ukrain.

Federata i ka bërë thirrje të gjitha Organizatave Ndërkombëtare të Shëndetësisë dhe OJQ-ve që të bashkojnë përpjekjet dhe të ndërmarrin çdo veprim të mundshëm për të ndihmuar në lehtësimin e vuajtjeve njerëzore të shkaktuara nga kjo luftë.
Kryqi i Kuq dhe Mjekët pa Kufij janë organizatat tona partnere, prandaj AMFE u sugjeron të gjitha organizatave që dëshirojnë të na bashkohen me një donacion për Ukrainën, ju lutemi të kontaktoni Kryqin e Kuq Ndërkombëtar dhe Mjekët pa Kufij.

Për të konkretizuar ndihmën tonë, këtë të Shtunë më Dt. 5 Mars 2022 në Kopenhagen-DANIMARKË federata mban një Konferencë Solidarizuese, ku do ndërtojmë Donacionin e parë për Ukrainën nga anëtarët e Federeratës dhe Ekipin e parë të mjekëve shqiptarë që do ndihmojnë direkt në Ukrain dhe zonat Kufijtare.

Në konferencën në Kopenhagen do jenë të pranishëm jo vetëm pëfaqësuesit diplomatik të shteteve shqipfolëse (Shqipëri, Kosovë, Maqedoni) , por edhe Zv. Ministrja e Shëndetësisë Prof. Mira Rakacolli (AL), Dr. Fatmire Kollcaku- Kryetare e Komisioni Parlamentar për Shëndetësi, Punë dhe Mirëqenie social (KS) dhe Dr. Skender Brataj- Drejtor i Urgjencës kombtare (AL).

Jemi krenar për Mjekët dhe bluzat e bardha shqiptare të Federatës që janë të gatshme të ndihmojnë vullnetarisht.