web counter
LEXO PA REKLAMA!

SHKARKO APP

App Store
Google Play

Von der Leyen: Ukraina i takon BE-së

28 Shkurt 2022, 07:31, Kosova & Bota CNA

Ukraina i përket Bashkimit Evropian dhe blloku do të donte ta shihte atë si pjesë të tij, tha presidentja e Komisionit Evropian, Ursula von der Leyen, për televizionin Euronews.

“Në të vërtetë, me kalimin e kohës, ata na përkasin neve. Ata janë një prej nesh dhe ne i duam ata?, tha von der Leyen.

Komentet pasojnë një votim historik të 27 vendeve të BE-së, për furnizimin me armë të Ukrainës.

Ukraina është nën pushtimin e plotë të forcave ruse qysh më 24 shkurt.

Shteti rus kundërshton integrimin e saj në Bashkimin Evropian dhe në NATO.

Ukraina në NATO do të ishte ?kërcënim ekzistencial? për Rusinë, ka thënë presidenti rus, Vladimir Putin.

Kur ka dhënë urdhrin për pushtim, Putin ka thënë se ka autorizuar ?një operacion të posaçëm ushtarak? për të ?çmilitarizuar? Ukrainën.

Paraprakisht, ai i ka shpallur të pavarura dy rajone separatiste në lindje të Ukrainës.

Në vitin 2014, Rusia ka aneksuar edhe Gadishullin ukrainas të Krimesë dhe ka nxitur lëvizjen separatiste në Ukrainën lindore./REL





Lajmet e fundit nga