web counter
LEXO PA REKLAMA!

SHKARKO APP

App Store
Google Play

Gjigandi britanik i naftës merr vendimin e fortë kundër firmës shtetërore ruse

27 Shkurt 2022, 18:32, Kosova & Bota CNA

Gjigandi i naftës BP do të tërheqë 19.75% të aksioneve në firmën shtetërore ruse të naftës, Rosneft. Lajmin e bëri të ditur kompania në një deklaratë.

?Bordi njofton sot se BP do të tërhiqet nga aksionet e saj në Rosneft. Kompania ka aksione prej 19.75% në Rosneft që nga viti 2013.?

Po ashtu, bëhet e ditur se shefi Ekzekutiv Bernard Looney gjithashtu do të japë dorëheqjen menjëherë nga bordi i Rosneft. Kompania britanike është  përballur me thirrje nga qeveria e Mbretërisë së Bashkuar për të shkarkuar aksionet e saj të pronësisë pas pushtimit të Ukrainës nga Rusia.

Looney tha se ai ?si shumë? të tjerë ishte ?thellësisht i tronditur dhe i pikëlluar nga situata që po shpaloset në Ukrainë?, gjë që e shtyu kompaninë ?të rimendonte rrënjësisht pozicionin e bp me Rosneft?.

?Jam i bindur se vendimet që kemi marrë si bord janë jo vetëm gjëja e duhur për të bërë, por janë edhe në interesin afatgjatë të bp?, shtoi ai.

Kryetari i BP, Helge Lund shtoi se ?holding Rosneft nuk është më në linjë me biznesin dhe strategjinë e kompanisë.?/E.K-CNA.al





Lajmet e fundit nga