web counter
LEXO PA REKLAMA!

SHKARKO APP

App Store
Google Play

E fundit!

x

Falsiteti i një karrigethyeri!

26 Shkurt 2022, 17:21, Opinione CNA

Nga Armand Maho

Këshilltarët e orientuan dhe një herë keq Bashën. Gjuha e trupit e përdorur për flakjen e karriges në takimin e stisur me të rinj në Durrës, si simbol i rrëzimit të kastave, ishte një spektakël amator, me regji të dobët që jo vetëm nuk bindte njeri por të linte një shije neverie . Një veprim populist që medemek synon të tërheqë pjesën gri të elektoratit, në një kohë kur sheh se kuotat e tij po shkojnë drejt hiçit.

Ky është dhe thelbi i atij veprimi të kallauzit Basha që si përherë ka synim askundin. Thyerja apo flakja e karrigeve nuk është për politikanë të tipit të tij. Nuk është për njerëz që s?kanë bërë asnjë sakrificë politike në jetën e tyre për interesin e përbashkët.

Është unik dhe për rekordet. Tashmë dihet se nën lidershipin e tij çdo beteje i dihet fundit që pa nisur akoma. Ai nuk e ka problem të shkelë mbi çdo parim, rregull kanun apo ligj kur i rrezikohet karrigia e tij.

Punuan pa fund që të rrëzonin Ramën, u shkoi djersa çurg që të bënin Bashën kryeministër. E besuan se do të fitonte. Kur kjo nuk ndodhi afërmendsh i kërkuan të lirojë karrigen e zyrës së tij, jo atë karrige të shtrembër e plastike që hidhte në takimin e Durrësit. Mirënjohja e  e tij dihet tashmë?.

Me fake opozitën e tij ai jo vetëm që la në pushtet falangat e krimit të cilat nuk lanë këmbë të riu dhe resurs opozitar pa përzënë, por paaftësia për tu bërë faktor i vrau dhe shpresën se një ditë ky vend do bëhet. Kjo e bën po aq fajtor sa Rama në mos më shumë!

Basha vërtet është gënjeshtar por gënjeshtrën pret dhe e qep aq trashë sa e çon në nivele skandaloze falsitetin e tij.





Lajmet e fundit nga