web counter
LEXO PA REKLAMA!

SHKARKO APP

App Store
Google Play

Tetë mungesa ndaj Egnatias, Memelli bën ndryshimin e papritur te Skënderbeu

17 Shkurt 2022, 17:30, Sport CNA

Rezultatet negative që kanë pasuar njëra-tjetrën si dhe forma në të cilën po kalon ekipi i Skënderbeut e kanë vështirësuar së tepërmi situatën në Korçë. Në kushte të tilla, edhe mungesat ishin mangët në këtë moment. Me tetë lojtarë thuajse jashtë për ndeshjen e radhës, kushdo do të ishte me dhimbje koke dhe kjo vlen edhe për Migen Memellin.

Në ndeshjen më të rëndësishme në këtë pikë të sezonit, kur duhet të matin forcat me një ekip si Egnatia që ndodhet në të njëjtën kuotë pikësh por një vend më poshtë në klasifikim, Skënderbeu shkon në këtë transfertë me një mal me mungesa dhe vështirësi për ndërtimin e formacionit.

Dëmtimet e shumta, por edhe pezullimet për shkak kartonësh kanë sjellë një situatë të pazakontë në kampin bardhekuq. Situatë, e cila duket një rebus për sa i përket zgjidhjes që mund t?i japë trajneri Memelli.

Me të gjithë prapavijën jashtë për këtë takim dhe vetëm Dajan Shehin të gatshëm për të luajtur nga minuta e parë, në kampin bardhekuq po mendojnë për ndryshimin e skemës së lojës me qëllim përshtatjen e ekipit për këtë takim ndaj Egnatias. Me një lojtar të gatshëm nga reparti difensiv dhe mungesat e tjera në skuadër, Memelli është i gatshëm të kalojë në një rreshtim të ri, duke ndryshuar nga 3-5-2 në një 4-4-2 klasik.





Lajmet e fundit nga