web counter
LEXO PA REKLAMA!

SHKARKO APP

App Store
Google Play

E fundit!

x

Memelli kapet sërish me arbitrin: Ishte me Partinë Demokratike

10 Shkurt 2022, 07:59, Sport CNA

Trajneri i Skënderbeut, Migen Memelli, foli pas humbjes 1-0 në ndeshjen e dytë të Kupës së Shqipërisë ndaj Teutës. Në prononcimin për ?Gol pas Goli?, tekniku pogradecar nuk i kurseu ironitë për gjyqtarin. Sipas tij, korçarët u penalizuan nga vendimet e gjyqtarëve në duelin ndaj durrësakëve.

Memelli tha:

Erdha për një no-coment, por për respekt po i bëj disa komente. Nuk kemi anë psikologjike të rënduar. Luajtëm si superiorë dhe aspak si skuadër inferiore. Morëm një gol me penallti shënuam një gol të rregullt. Për sa kohë që gjërat nuk i bëjmë dot me forcën e fushës, nuk i zhbëjmë dot jashtë fushës. Ziri ishte me Partinë Demokratike sot.  Nuk kam asnjë problem me veten unë. Luajmë me të gjitha skuadrat si të barabartë, përpos detajeve. Kjo punë subjektive është, mendimet janë të ndryshme. Nuk kam se çfarë të zhbëj më. Kush ma heq të drejtën mua të synoj Kupën, për sa kohë e kam guximin bashkë me lojtarët. Zgjuarsia i takon tjetër kujt, guximi më takon mua. Lojtarët kanë dhënë maksimumin, maksimumin do japin edhe ne. Gjyqtari është me PD-në, unë nuk di të gjykoj. Unë dua të hyj në votime i barabartë. Bujar Pregja më tha se marrim si referencë gjykimin që i bëjnë ata momentit jo rregullores. Varet nga ata. Dajan Shehi dhe mbrojtësi i Teutës nuk e prekën topi te goli i anuluar.”





Lajmet e fundit nga