web counter
LEXO PA REKLAMA!

SHKARKO APP

App Store
Google Play

Zgjatja e afateve të vetingut/ Besnik Muçi: Nuk është e nevojshme

9 Shkurt 2022, 19:25, Aktualitet CNA

Nisma e Partisë Socialiste për zgjatjen e afateve kushtetuese për Komisionin e Pavarur të Kualifikimit dhe Komisionerët Publikë për rivlerësimin e prokurorëve dhe gjyqtarëve do të votohet në seancën plenare të datës 10 shkurt.

Por si ka punuar deri më tani KPK dhe KPA dhe a është e mjaftueshme zgjatja e afatit deri në fund të vitit 2024. Lidhur me këto është diskutuar sonte në ?Debat? me Alba Alishanin.

Besnik Muçi, ish antarë i Gjykatës Kushtetuese, është shprehur se ?nuk është e nevojshme që të ndryshohet Kushtetuta për zgjatjen e afateve të institucioneve të vetingut?.

?Kushtetuta e ka parashikuar mundësinë e kësaj situate ku ndodhet sot vetingu në Shqipëri. Parashikohej që në përfundim të afateve të institucioneve të vetingut, të mos kishte përfunduar procesi për të gjithë gjyqtarët dhe prokurorët. Për pjesën e mbetur të tyre, ky proces do të vijohej nga KLP-ja për prokurorët dhe KLGJ-ja për gjyqtarët. Ndërkohë, funksioni i komisionerit publik do t?i kalonte drejtuesit të SPAK-ut?, tha Muçi.

?Sot, që vetingu nuk ka përfunduar, nuk ka asnjë boshllëk për ta vazhduar këtë proces. Për këtë arsye, unë mendoj që nuk është e nevojshme që të ndryshohet Kushtetuta për zgjatjen e afateve të dy institucioneve: KPK-së dhe komisionerit publik?, theksoi ish-anëtari i Gjykatës Kushtetuese.

Muçi kujtoi se pas 5 vitesh reformë, po i zgjatet afati institucioneve të vetingut që e futën në kolaps drejtësinë në vendin tonë.

?Kolapsin në drejtësi e vuajnë qytetarët në radhë të parë. Më çudit BE-ja, që për Maqedoninë e Veriut nuk e ka rekomanduar vetingun. Nuk e shpjegoj dot pse, por mendoj se e konsiderojnë si trofe këtë gjë sepse është investim i ndërkombëtarëve dhe nuk mund ta pranojnë dështimin?, deklaroi Muçi./E.T-CNA.al





Lajmet e fundit nga