E fundit!

17:29 Kosova & Bota

Hetimi zbulon dështimet e Britanisë gjatë pandemisë së Covid-19/ U shpërdoruan rreth 10 miliardë paund për pajisje mbrojtëse

Një hetim për menaxhimin e pandemisë Covid-19 në Mbretërin...

“Do të thyejmë kokën, do e shikosh si do përfundosh”/ Kërcënohet drejtuesi i PD në Tiranë

22 Mars 2021, 18:48, Aktualitet CNA

Fushata për zgjedhjet e 25 prillit po shoqërohet me incidente, që kanë shkuar deri edhe në kërcënime të rënda.

Një ndër rastet më flagrante është në Tiranë, ku është kërcënuar së fundi Gent Minarolli, një nga drejtuesit kryesore të FRPD, anëtar kryesie, sekretar i mardhënieve me jashtë, i kësaj organizate. Anëtar i Këshillit Kombëtar, aktivist, një nga njerëzit që ka drejtuar fushatat politike të kësaj partie.

CNA.al ka mësuar se Minarolli ka pasur një përplasje fizike me një grup militantësh të PS pranë shtëpisë së tij ku socialistët kanë hapur zyrat e tyre elektorale.

Dyshohet se në ngjarje janë përfshirë edhe uniformat blu, civilë, militantë të PS-së të cilët kanë kërcënuar me jetë Minarollin.

Gjithçka ka ndodhur në orët e vona të pasdites sot në 22 mars, kur është edhe dita e fitores të PD në zgjedhjet e saj historike në vitin 1992.

Minarolii duke dalë nga shtëpia e tij pasi ka përshëndetur disa nga banorët e zonës ka dëgjuar një lumë sharjesh dhe kërcënimesh nga një grup të rinj që ndodheshin brenda zyrës elektorale të Partisë Socialiste në njësinë numër 1 në Tiranë, tek zona e Ali Demit, pranë shkollës ?Kushtrimi i Lirisë?, një nga ambientet që përdoret edhe si qendër votimi gjatë zgjedhjeve. PD proteste Gent Minarollii

?Do të thyejmë kokën, ja këtu tek shkolla do bëhen zgjedhjet do e shikosh si do përfundosh ti e kush të vjen ty nga pas me soj e sorrollop. Këlylsh i PD-së, nuk të mjaftoi që ngele rrugëve si qen dhe të hoqëm nga puna, prapë shkon derë më derë kërkon vota dhe vendos postera e do të hapësh zyrë për Lulzim Bashën?, këto janë disa nga fjalët që dëgjoi aktivisti i rëndësishëm i PD, Gent Minarolli i cili më pas është rrethuar nga 7 persona gjatë debatit me ta.

Në ngjarje kanë qenë edhe shumë persona të tjerë të pranishëm. Mësohet se Minarolli ka njoftuar dhe forcat e policisë, por disa minuta më vonë në vend ngjarje janë ofruar dy civilë dhe një person me uniforme me një mjet policie, të quajtur si Shqiponja.

Personat në vend të ndërhyrjes dhe sqarimit të situatës e kanë goditur dhe më pas e kanë kërcënuar më armë Minarollin, duke i thënë së do e zhduknin po të fliste dhe duhet të mos përfshihej në fushatë pasi ky ishte vetëm një paralajmërim i parë.

Kërcënimet ndaj Minarolit kanë qenë të vazhdueshme, ai si eksponent i PD është përfshirë në fushata elektorale, ku është përballur me represionin dhe shantazhet e Qeverisë e strukturave të tyre.

Në fushata për socialistët shpesh përfshihen njerëz të uniformave blu të përfshirë në trafik ndërkombëtar droge, të cilët blejnë dhe vjedhin votat në bashkëpunim me socialistët në favor të qeverisë Rama.

Rasti i Minarollit është një nga ngjarjet e shumta që po ndoshin gjatë kësaj fushate elektorale e cila duket se do të jetë mjaft e tensionuar dhe këto janë shkëndijat e para të një konflikti politik që nuk duket se do kalojë pa problematika.

Socialistët po bëjnë gjithçka për të mbajtur pushtetin, duke përdorur edhe uniformat blu, të cilat suportojnë mbështetësit e PS, nxisin incidente, kërcënojnë demokratët dhe ushtrojnë presion mbi zgjedhësit. Zgjedhjet me sa raportohet pritet të kalojnë jo pa incidente./CNA.al