web counter
LEXO PA REKLAMA!

SHKARKO APP

App Store
Google Play

E fundit!

x

Afera korruptive e inceneratorëve/ Fundo nxjerr dokumentat, sa ka përfituar kompania e Klodian Zotos

8 Shkurt 2022, 20:30, Aktualitet CNA

Gazetari Elvi Fundo ka nxjerrë një dokument që i takon inceneratorit të Fierit dhe mënyrën se si janë përfituar miliona euro nga kompania Integreted Technology Services e Klodian Zotos, e cila ka bërë një investim me 0 lek në llogari.

Fundo, në një intervistë për emisionin Now me Erla Mëhillin shprehet se kjo kompani ka marrë një kontratë nga qeveria me vlerën 37 miliardë lekë të vjetra.

?Unë mund tu them dy fenomene. Së pari, ajo miksimi që folitet dhe Prokuroria  mund ta marrë si provë. Kontratat koncesionare apo PPP e famshme do të thotë që ti e ndërton me paratë e tua si privat, pra sa kapitale kanë pasur këto kompani dhe më pas shteti për shkak se nuk ka kapacitetet e duhura financiare fillon të shlyhen avash avash. Kështu është koncepti i ligjit.

Unë po tregoj një dokument që është i inceneratorit të Fierit që është i datës 15 nëntor, që është një muaj pasi është firmosur kontrata koncesionare i vitit 2016 me kontratë të shoqërisë Integreted Technology Services e cila ka marrë një kontratë qeveritare me vlerë 37 miliardë lekë të vjetra.

Kjo kompani ka shkuar në një bankë, e cila ka marrë koncesionin e inceneratorit të Fierit. Kur ka marrë koncesionin në llogarinë bankare ka pasur 0 lek. Pasi kanë marrë kontratën dhe kanë shkuar në bankë kanë marrë kredi që të bëjnë këtë investim, por pa pasur asnjë lek.

Pasuria e vetme që kjo kompani kishte me 0 lek ishte kontrata koncesionare që ja dha Edi Rama. Pasi ka marrë paratë nga banka ka filluar investimin.

Këta pasi kanë marrë kredinë dhe kanë marrë këto para, pas gjashtë muajsh që kanë marrë kontratën kanë filluar investimin. Ditën që kanë filluar investimin me këto para të marra nga banka, qeveria ka filluar dhe i ka paguar paratë. 600-700 mijë euro në muaj. Me këto para, këta kanë paguar dhe bankën, kanë ndërtuar dhe inceneratorin. Pa pasur asjë lek, këta zotërinjtë fitojnë miliona euro.

Sipas kësaj kontrate, inceneratori ka bërë 15 milionë euro, ndërsa në Fier kontrata finale shkon mbi 42 milionë dollarë me TVSH.

Nga 28 milionë euro, në 15 milionë euro që këta kanë blerë inceneratorin janë 13 milinë euro diferencë?, shprehet Fundo./E.K-CNA.al





Lajmet e fundit nga