web counter
LEXO PA REKLAMA!

SHKARKO APP

App Store
Google Play

E fundit!

x

“Fondet e Rindërtimit shpërndahen për zgjedhje”/ KQZ i dërgon letër Bashkisë Durrës

5 Shkurt 2022, 15:02, Politikë CNA

Komisioni Qndror i Zgjedhjeve i ka dërguar një letër Bashkisë së Durrësit, ku i kërkon më shumë informacion lidhur me pretendimet e ngritura nga partitë PD dhe LSI se Bashkia Durrës ka miratuar vendime për miratimin e listave për 526 familje që përfitojnë nga programi i procesit të rindërtimit, për ndërtesat e dëmtuara nga fatkeqësia natyrore e tërmetit të datës 26 nëntor 2019 që variojnë nga 100-500 mijë lek.

Këto parti kanë ngritur pretendimet për dyshime se këto fonde janë përdorur për qëllime elektorale të zgjedhjeve të pjesshme për Kryetar Bashkie të datës 6 mars 2022.

Ndërkoë që kreu i KQZ i ka nisur një letër informuese kryetares në detyrë Emirjona Sako.

?Të na jepet një shpjegim në lidhje me procedurën që është ndjekur dhe nëse kjo procedurë vjen në kundërshtim me parashikimet e neneve 91 dhe 92 të kodit zgjedhor që ndalojnë nxjerrjen e akteve ligjore që kanë për qëllim të ofrojnë shpërblime për kategori të caktuara të qyhtetarëve.

Për sa më sipër kërkojmë nga ana juaj një informacion të detajuar mbi vendimmarrjen e prenteduar nga kërkuesi, brenda 3 ditëve nga marrja dijeni e kësaj shkrese?, thuhet në shkresën që mban firmën e kreut të KQZ, Ilirjan Celibashi.

KQZ vendos afat tre ditë për marrjen e informacionit nga momenti i vënies në dijeni me shkresën./E.K-CNA.al





Lajmet e fundit nga