web counter
LEXO PA REKLAMA!

SHKARKO APP

App Store
Google Play

E fundit!

x

“Mbetet një potencial i lartë rreziku”/ Deklarata që “fundos” Ramën

5 Shkurt 2022, 12:32, Politikë CNA

Ish-presidenti Bujar Nishani ka komentuar deklaratën e kryeministrit Edi Rama, i cili ndërsa reagoi në lidhje me situatën në Ukrainë, ndër të tjera tha se ?Shqipëria nuk ka kurrfarë problemi me Rusinë?.

Në një postim në rrjetet sociale, Nishani shkruan se Rusia është investuar hapur në thyerje të ligjit ndërkombëtar dhe kërcënimit serioz ndaj paqes e stabilitetit.

Më tej, Nishani thekson se Rama, deri në sekondën e fundit që do të jetë i ulur në atë karrige ai mbetet një potencial i lartë rreziku.

?Fatkeqësi e madhe për këtë vend që përveçse ka një qeverisje super të korruptuar por ka dhe një kryeministër me ?zero? njohje dhe kuptim mbi politikën e jashtme dhe diplomacinë.

?Shqipëria nuk ka kurrfarë problemi me Rusinë?, deklaron publikisht elifmatraku i politikës së jashtme që qeveris këtë vend, i cili është anëtar i NATO-s ndaj së cilës Rusia ka shpallur një doktrinë të re, pothuajse armiqësore.

Kryeministri i një vendi në rajonin e Ballkanit, ku Rusia të paktën në dy raste (Kosova dhe Mali i Zi) është investuar hapur në thyerje të ligjit ndërkombëtar dhe kërcënimit serioz ndaj paqes e stabilitetit.

Kryeministri i një vendi, aktualisht anëtar jo i përherëshëm i Këshillit të Sigurimit të OKB, ku deklarata e Ambasadorit të vendit (në emër të Qeverisë) ishte krejt ndryshe nga sa deklaron sot Kryeministri.

Kë duhet të besojmë, deklaratën e qeverisë në KS të OKB në linjën e Perëndimit apo deklaratën e sotme të Kryeministrit në linjë me Rusinë ?

Një elifmatrak edhe mund të pyesë e të përpiqet të mësojë pak, por ky kryeministër ka qasje tjetër përmbajtësore në raport me interesin kombëtar të shqiptarëve dhe garancitë ndërkombëtare për paqen dhe sigurinë.

Deri në sekondën e fundit që do të jetë i ulur në atë karrige ai mbetet një potencial i lartë rreziku !?-shkruan Nishani./CNA.al





Lajmet e fundit nga