web counter
LEXO PA REKLAMA!

SHKARKO APP

App Store
Google Play

“Trimat pas lufte”/ Eksperti i shëndetit publik apel qytetarëve, mesazhi për “anti-Vax”

2 Shkurt 2022, 10:19, Lifestyle CNA

Eksperti I shëndetit publik, Erion Dasho vijon të përcjellë mesazhe qytetarëve në lidhje me pandeminë e Covid-19, ndërsa apelon edhe për bërjen e vaksinës.

Në një postim në rrjetet sociale, Dasho ka edhe një mesazh për personat ?anti-Vax?, që refuzojnë bërjen e vaksinës, ndërsa thekson se ?Trima pas lufte dhe të mençur pas kuvendi bëhen të gjithë?.

?Sa herë që një vend zbut ose heq masat anti-COVID, në median sociale ka një lumë komentesh përshëndetëse nga ana e personave të njohur tashmë si anti-Vax apo përkrahës të teorive konspirative.

A thua se heqja e masave nga Britania e Madhe sot nënkupton se ata kanë patur të drejtë në atë që kanë 2 vjet që deklarojnë!

Harrojnë se Britania e Madhe po përpiqet të shkarkojë një kryeministër sot, sepse theu rregullat e karantinës para një apo dy vjetësh. Apo se në kulmin e pandemisë, Britania e Madhe dhe ato vende që sot lehtësojnë masat, kishin disa prej kufizimeve më të ashpra në botë.

Trima pas lufte dhe të mençur pas kuvendi bëhen të gjithë. Sidomos ata që, për fat të mirë, nuk patën të afërm të prekur rëndë apo që humbën jetën prej COVID-it.

Sot mund të bëhesh lehtë no-Vax pasi ke kaluar një nga variantet e COVID-it apo kur e ndjen veten jashtë grupeve në risk. Mund edhe të anatemosh qeveritë “kriminale” apo establishmentin që shfrytëzoi pandeminë për kush e di ç’agjendë konspirative, por nuk duhen harruar miliona të vdekur në botë dhe dhjetëra mijëra të vdekur në Shqipëri.

Pjesa më e madhe e tyre vdiqën sepse qeveritë e vendeve ku ata jetuan nuk morën dot masa në kohë, apo nuk siguruan dot vaksina në kohë. Një pjesë jo e vogël, fatkeqësisht, edhe sepse u bënë viktima të No-Vax-ëve dhe konspiracionistëve, të kohës së çmendur ku çdo njeri me qasje në një celular u bë papritur ekspert…?.shkruan Erion Dasho./CNA.al





Lajmet e fundit nga