“Nuk ka vetëm Covid”/ Tritan Kalo jep mesazhin e fortë: Kujdes!

2 Shkurt 2022, 08:30, Lifestyle CNA

Mjeku i njohur infeksionist, professor Tritan Kalo vijon të përcjellë mesazhe të forta në lidhje me pandeminë e Covid-19, por jo vetëm.

Së fundi në një postim në rrjetet sociale, Kalo vë theksin edhe tek viruse të tjera, apo edhe gripi stinor, të cilat gjithashtu lëndojnë shëndetin tonë.

?Nga fundvjeshta e 2021 po bashkëlëndojnë shëndetin tonë, edhe plot viruse të tjerë krahas virusit Sars-Cov2/Covid-19, sikundër janë viruset e infeksioneve respiratorë, të katareve stinorë përfshirë edhe ato të Gripit (me predominim të serotipit H3N2)??-shkruan Kalo.

Më tej, ai ka edhe një mesazh të fortë, ndërsa apelon të bëhet kujdes me përdorimin e antibiotikëve.

Postimi i plotë:

Kohë kovidiane?.1.02.2020 -1.02.2022?.Plot dy vjet me ritmin e të përditëshmes shtëpi – autobuzi i Unazës – Shërbimi i Sëmundjeve Infektive në QSUNT/Covid-1 – autobuzi i Unazës – shtëpi?.730 ditë të mbushura plot Punë, Profesionalizëm, Përkushtim e Përkujdesje ndaj të infektuarve nga virusi jetëlëndues dhe jetëmarrës Sars-Cov2/Covid-19?.

Është një EKIP i tërë mantelbardhësh, infermjerësh, sanitaresh, imazheristësh, farmacistësh, administratoresh, koordinatoresh, barrelmbajtësish, shoferësh, oksigjenistësh, etj., që 24/7 punojnë në Shërbimin e Sëmundjeve Infektive të QSUNT/Covid 1 dhe 3, të motivuar për të shkëputur nga kthetrat e së keqes sa më shumë jetë njerëzish, për t?u rikthyer atyre buzëqeshjen e jetës?.

Nga fundvjeshta e 2021 po bashkëlëndojnë shëndetin tonë, edhe plot viruse të tjerë krahas virusit Sars-Cov2/Covid-19, sikundër janë viruset e infeksioneve respiratorë, të katareve stinorë përfshirë edhe ato të Gripit (me predominim të serotipit H3N2)?

Mjekim ANTIVIRAL specifik ndaj të gjithë viruseve të lartëpërmëndur nuk ka, pra edhe përdorimi i antiviralëve të ndryshëm (Remdesivir & Co), që u ofrohen të sëmurëve me çmime ?disi të kripura?, është i dyshimtë në efektet dobiprurëse për organizmin tonë?.

Përdorimi i ANTIBAKTERIALËVE/ANTIBIOTIKËVE justifikohet vetëm në rastet e dyshuara ose të konfirmuara të një mbivendosje të një infeksioni bakterial në këta të sëmurë?.ANTIBAKTERIALËT NUK JANË ANTIVIRALË?.INFODEMIJA dhe praktika GJITHOLLOGJIKE ka lënë gjurmë jo dobiprurëse si në parandalimin e infektimit po ashtu edhe në mjekimin e të prekurve nga Covid-19?.

Më shumë mprehtësi e jetëdashje përballë këtyre valëve mëndjemarrëse gjithollogjike?.Çdo Pandemi gjithmonë e ka një fund?.

Afrimin e këtij fundi e ndihmojnë VETNDËRGJEGJËSIMI, që mbetet parësore në këtë betejë me ?armikun e padukshëm?, krahas Trinomit ndërshekullor MHD (Maskë, Higjenë personale e kolektive, Distancim fizik kur dhe ku është e mundëshme), si edhe Vaksinimi?.

DHE VJEN JO LARG NJË DITË, QË PANDEMIJA SHDROHET NË NJË ENDEMI, pra në një infeksion që do të sillet rreth e rrotull këmbëve tona, duke infektuar aty-këtu individë të ndryshëm të pa imunizuar ndërkohë ndaj tij (nga kalimi i infeksionit Sars-Cov2/Covid-19, ose prej vaksinimit ndaj tij), për të mbijetuar si edhe viruset sivëllezër të tij në familjen e Coronaviruseve?.Together forever!!!/CNA.al