E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Mbyllen dy fazat e para/ Ja renditja e Superligës pas 18 javëve të luajtura

31 Janar 2022, 18:17, Sport CNA

Sfida mes Skënderbeut dhe Teutës, përmbylli javën e 18-të të Kategorisë Superiore, e cila përkoi edhe me përfundimin e dy fazave të para.

Tabela e renditjes kryesohet nga Tirana e Orges Shehit, që ka arritur të sigurojë plot 40 pikë, nga 20 në secilën fazë. Në ndjekje të bardhebluve, janë vënë kurbinasit e Laçit, që pas triumfit ndaj Partizanit, u ngjitën në kuotën e 34 pikëve, 6 më pak se Tirana.

Ndryshe nga Tirana dhe Laçi, verilindorët e Kukësit, ka zhgënjyer disi në javët e fundit, duke humbur terren me kryesuesit. Kuksianët renditen në vendin e 3-të me 31 pikë, të ndjekur nga Vllaznia, që me fitoren ndaj Kastriotit, e ngushtoi vetëm me 1 pikë diferencën nga kuksianet.

Ecuri negative edhe për Partizanin e Dritan Mehmetit. 22 pikë në 18 javë dhe vetëm 1 fitore në 5 ndeshjet e fundit. ?Demat e Kuq?, duket se janë gozhduar në mesin e artë të renditjes, edhe pse objektivat në fillim të këtij sezoni ishin të mëdha.

Për sa i përket Teutës, me fitoren e sotme ndaj Skënderbeut, durrsakët që tashmë drejtohen nga Renato Arapi, i janë larguar zonës së ftohtë, duke thelluar diferencën në 5 nga korçarët e Migen Memellit, që janë pozicionuar në vendin e 8-të. Pozita aspak komode dhe për Dinamon e Bledi Shkëmbit, që mban vendin e 7-të me 19 pikë në 18 ndeshje.

Egnatia dhe Kastrioti janë 2 skuadrat e fundit që mbyllin tabelën. Me barazimin ndaj Dinamos, rrogozhinasit e Ramadanit, kanë barazuar me pikë ?ujqërit e dëborës?, ndërkohë që diferenca me Kastriotin e vendit të fundit është 4 pikë.

REZULTATET E JAVËS SË 18-TË:

E DIEL, 30 JANAR:

KASTRIOTI-VLLAZNIA 0-1

TIRANA-KUKËSI 4-0

E HËNË, 31 JANAR:

LAÇI-PARTIZANI 1-0

EGNATIA-DINAMO 1-1

SKËNDERBEU-TEUTA 0-1