web counter
LEXO PA REKLAMA!

SHKARKO APP

App Store
Google Play

Tefik Osmani si Totti e Pike, provokon me gishta

30 Janar 2022, 21:03, Sport CNA

Tefik Osmani nuk i ndahet kurrë provokimeve, edhe tani që është një drejtues në skuadrën e Tiranës. Ish-futbollisti i përfaqësueses shqiptare, nuk është përmbajtur pas suksesit 4-0 të skuadrës bardheblu, duke bërë një gjest provokues drejt tribunës.

Pas golit të Taulant Seferit në minutat shtesë, drejtori i Tiranës u kthye nga tribuna dhe bëri shenjë me katër gishta lart, duke treguar numrin e golave. Një provokim ndaj kundërshtarëve në tribunë, që kujton atë që kanë bërë vite më parë emra të njohur si Françesko Toti dhe Zherard Pike.

Në shkurtin e vitit 2004, gjatë fitores 4-0 të Romës ndaj Juventusit, Francesko Toti iu kthye asokohe Igor Tudor me gjestin e famshëm të katër gishtave dhe duke i bërë me dorë pastaj që të largohej, ?4 gola dhe në shtëpi?, u bë një nga gjestet më të famshme në futboll, derisa erdhi momenti i Pike.

Mbrojtësi i Barcelonës, në nëntorin e vitit 2010, pas fitores në ?El Clasico? ndaj Realit të Murinjos me shifrat 5-0, ngriti dorën lart për atë që hyri në histori si ?La Manita?. Një gjest të cilin e përsëriti edhe në tetorin e vitit 2018 pas suksesit 5-1 kundër madrilenëve.





Lajmet e fundit nga