web counter
LEXO PA REKLAMA!

SHKARKO APP

App Store
Google Play

Tirana merr arratinë, ja si ndryshon renditja e Superiores

30 Janar 2022, 18:10, Sport CNA

U luajtën ditën e sotme 2 sfidat e para të vlefshme për javën e 18-të të Kategorisë Superiore, ku nuk mungoi spektakli. Kastrioti-Vllaznia, ishte dueli që çeli këtë javë, ku shkodranët triumfuan me rezultatin 0-1 falë golit të Liridon Latifit.

Me këtë fitore, skuadra e Brdariç, u ngjit në kuotën e 30 pikëve, 1 më pak se Kukësi dhe Laçi dhe -10 nga kryesuesit e Tiranës. Vlen të theksohet se kurbinasit e Laçit kanë 1 ndeshje më pak.

Për sa i përket supersfidës mes Tiranës dhe Kukësit, ishin bardheblutë ata që vendosin diktatin, duke fituar pastër 4-0, në ?Air Albania?, në një takim spektakolar. Me këtë triumf, skuadra e drejtuar nga Orges Shehi, duke se ka marrë arratinë, duke i dhënë një goditje të rëndë verilindorëve të Longos.

Diferenca tashmë ka shkuar në plot 9 pikë. Po 9 pikë është dhe diferenca me Laçin që ka një ndeshje më pak. Ditën e nesërme do të zhvillohen edhe 3 sfidat e tjera të javës së 18-të të Superiores. Sipkat dueli Laçi-Partizani. Ndërkohë duele interesante pritet të jenë dhe ato mes Teutës dhe Skënderbeut si dhe Egnatia-Dinamo.

REZULTATET:

E DIEL, 30 JANAR:

KASTRIOTI-VLLAZNIA 0-1

TIRANA-KUKËSI 4-0

E HËNË, 31 JANAR: 

LAÇI-PARTIZANI 13:45

EGNATIA-DINAMO 13:45

SKËNDERBEU-TEUTA 16:45





Lajmet e fundit nga