Skënderbeu nuk shënon prej 4 javësh, Memelli befason me deklaratën pas humbjes ndaj Teutës në kampionat

31 Janar 2022, 18:05, Sport CNA

Skënderbeu është duke kaluar një krizë rezultatesh, teksa prej katër javësh radhazi, skuadra korçare nuk arrin të shënojë. Në prononcimin pas humbjes ndaj Teutës, trajneri pogradecar, Migen Memelli, shprehu keqardhje për këtë situatë që po kalojnë bardhekuqtë. Në prononcimin për ?Gol pas Goli?, ai u shpreh:

SPOSTIMI I STADIUMIT- Nuk u luajt në Korçë, sepse kushtet ishin të papërshtatshme prej borës. Preferuam ta bëjmë këtu, në ?Elbasan Arena?.

NDESHJA- Ka qenë një ndeshje sikurse dhe ajo e para në Kupë. Në Korçë u penalizuam nga një detaj, në atë ndeshjen që nuk flitej për futboll. Edhe këtu, një postim i lojtarit të Teutës na ndëshkoi. Nuk e mbyllëm siç duhet kromimin, në markim duhet të ishim më të rreptë. Gjithë gjërat e tjera shkuan mirë, përveç këtij momenti. Vazhdojmë të mos shënojmë, kur nuk shënon, cilësia e skuadrës bie. Na ka penalizuar edhe dëmtimi i Mensah si dhe dalja jashtë e Moraesh që ka problem në gju. Kështu prishen ekuilibrat e skuadrës. Shpresojmë të bëjmë mirë në javët në vazhdim.

JAVËT NË VAZHDIM ? Për mua, skuadrat në Shqipëri nuk kanë emër, në sensin metaforik. Të gjitha ndeshjet janë të vështira. Në këto kontekst dhe në këtë pikë ku jemi, gjërat vështirësohen. Duhet të punojmë tek pikat ku po çalojmë.

PIKËNISJA- Duke parë vështirësinë e kampionatit, skuadrave iu duhen pikë. Dashur pa dashur, për mua çdo kundërshtar i radhës nuk ka emër. Kjo pikënisje shpresoj të jetë mirë për ne. Nuk kemi edhe fatin, lojtarët bien në gjendje shoku. Duhet të përmirësojmë skuadrën te cilësia që thamë më sipër.

FUTBOLLISTI QË BËN DIFERENCËN- Nuk më pëlqen ta referoj lojën e skuadrës te një lojtar. Forca kryesore është grupi. Kam këta lojtarë që kam, për mua janë shumë të mirë. Nuk mund të them gjëra të tepërta, me këta punoj, vuaj dhe gëzoj. Edhe individi në ndeshje të veçanta të zgjidh situata. Mensah dhe Berisha nuk janë të fazës së parë, Berisha vjen nga një dëmtim, edhe Mensah gjithashtu. Moraesh ka dëmtim në gju, Vitija është jashtë, u prishën disa balanca?, u shpreh Memelli.