web counter
LEXO PA REKLAMA!

SHKARKO APP

App Store
Google Play

E fundit!

x

Zyrtarizohen emrat/ Cilët janë kandidatët për kryetar bashkie nga Komisioni i Rithemelimit

30 Janar 2022, 17:44, Politikë CNA

Janë zyrtarizuar emrat e kandidatëve të Komisionit të Rithemelimit, të cilët do të jenë në garën e 6 marsit për kryetar bashkie.

Në një votim nga anëtarësia, fitues në Vorë doli Lulzim Vranaj me 277 vota.

?Sot grupi Rithemelimit vendosi standarde të reja në zhvillimin e garës për kryetar bashkie, primaret. Sot në këtë garë që u zhvillua mes meje dhe kandidatit Luan Beta, e falenderoj shumë për korrektësinë që kishim gjatë gjithë kohës së votimit. Objektivi im është që të jem gjithmonë me qytetarët. Mendoj se do të arrij ta fitoj këtë bashki?, tha kandidati Vrana.

Hekuran Xhani me 211 vota është shpallur fitues i primareve të PD në Rrogozhinë dhe do të garojë në 6 mars për kryetar bashkie.

Komisioni Vendor i Votimit dhe Numërimit shpall rezultatin e primareve edhe në Lushnje, ku fitues i primareve të PD  është shpallur Elton Bano.

Ardian Muka ka fituar primaret e anëtarësisë së PD në Durrës. Muka ka arritur të sigurojë 1546 vota, përballë 373 votave të kandidates tjetër, Silvja Gjepali.

Ndërsa nga numërimi i votave të anëtarësisë së PD në Dibër, primaret janë fituar nga Premtim Kryemadhi i cili ka marrë 424 vota.

Ndësa në kryeqendrën e veriut, në Shkodër demokratët votëbesuan ish deputetin Bardh Spahia me 229 vota, si kandidatura potenciale për qeverisjen vendore./E.K-CNA.al





Lajmet e fundit nga