web counter
LEXO PA REKLAMA!

SHKARKO APP

App Store
Google Play

Kush ja numëron Ramës përgjigjet?

30 Janar 2022, 17:02, Politikë CNA

Kryeministri Edi Rama prezantoi në fund të dhjetorit nismën e re të qeverisë, Këshillimi Kombëtar për Shqipërinë.

Në të gjithë vendin, shqiptarët do të pyete për 5 shtyllat kryesore, që janë familja, lufta kundër krimit, ekonomia, punësimi dhe integrimi i vendit.

Formularët që mund të plotësohen online ose përmes postës, do të shpërndahen deri më 22 shkurt  ndërsa përfundimet pritet të dalin në fund të marsit ose në fillim të prillit, sipas kryeministrit Rama.

Ditën e djeshme, në një postim në Facebook, Rama deklaroi se janë 40 mijë qytetarë që e kanë plotësuar formularin, ndërsa sot deklaron se numri ka shkuar në 50 mijë.

Por pyetja që lind është se kush ja numëron kryeministrit formularët, se sa persona e kanë dërguar? Me letra, shumica të hedhura nëpër korridoret e pallateve, përgjigjet duken shumë të pakta.

Shifrat janë qesharake.

Nuk ka asnjë komision apo grup që mund të ishte publik dhe i besueshëm në administrin e këtyre formularëve.

Ato formularë mund të mbushen vetë dhe raportohen shifrat sipas qejfit e më pas në emër të tyre të merrën vendime.

Zgjidhja është vetëm një referendum për çështjet e ndjeshme, jo veprim e pastaj formularë si hi syve ndaj shqiptarëve.

Rama me veprime konkrete ka treguar se ai vendimet i merr i vetëm. Një rast është ai i Ballkanit të Hapur. Atëherë në këtë rast, përse kryeministri duhet të pyes shqiptarët, kur ai vetë ka mbaruar punë.

Në rastin tjetër, siç është ai i kanabisit, kryeministri po tregon se projekti i vjetër i shpallur nga Koço Kokëdhima është projekti i tij. Është pikërisht projekti që solli kanabizimin e vendit në vitin 2016.

Sot kemi kryeministrin që pyet për një pyetje të 7 viteve më parë shtruar nga ?babai i tij shpirtëror? Koço Kokëdhima.

Edi Rama vetë pyet, vetë përgjigjet, vetë vendos. Kryeministri po bën një levizje mashtruese dhe lehtësisht duket se vuan nga sindroma HUBRIS./E.K-CNA.al





Lajmet e fundit nga