web counter
LEXO PA REKLAMA!

SHKARKO APP

App Store
Google Play

Nga mjekë e juristë, tek inxhinier e ekonomistë/ Ky është profesioni i kandidatëve të primareve

30 Janar 2022, 20:10, Politikë CNA

Në gjashtë qytete, demokratët votuan sot për kandidatin që duan të shohin në garën e zgjedhjeve të pjesshme vendore.

Komisioni i Rithemelimit, për herë të parë aplikoi një formë demokratike, duke i hequr të drejtën partisë që të zgjedhë kandidatin dhe duke e lënë në dorë të qytetarëve.

Që prej orës 08:00 janë hapur qendrat e votimit, të cilat kanë qëndruar deri në orën 18:00.

Por kush janë kandidatët që u zgjodhën nga primaret?

Me 229 vota, demokratët e shkodërs zgjodhën ish deputetin Bardh Spahia, i cili me profesion është mjek. Spahia ka qenë ish-zëvendësministër i Shëndetësisë dhe ish Sekretar i Përgjithshëm i Zyrës së Presidentit të Republikës. Në vitin 2017 ai u zgjodh deputet nën siglën e PD për Shkodrën.

Me profesion kirurg, ai ka studiuar mjekësi në Universitetet e Tiranës dhe La Sapienza të Romës dhe ka punuar në spitale të ndryshme në të gjithë Italinë e Veriut për shumë vite. Në vitin 2005, Spahia u kthye në Shqipëri.

Si kandidat për Bashkinë e Vorës u zgjodh nga demokratët Lulzim Vranaj.

Vranaj, me profesion ekonomist arritit të siguronte 277 vota.

Një mjek veterinar do të jetë kandidat për Bashkinë e Rrogozhinës. Hekuran Xhani me 211 vota është shpallur fitues i primareve të PD në këtë qytet dhe do të garojë në 6 mars për kryetar bashkie.

Komisioni Vendor i Votimit dhe Numërimit shpalli rezultatin e primareve edhe në Lushnje, ku fitues i primareve të PD  është shpallur Elton Bano, i cili mban profesionin e avokatit.

Ardian Muka ka fituar primaret e anëtarësisë së PD në Durrës. Muka, një inxhinier urbanist ka arritur të sigurojë 1546 vota.

Ndërsa nga numërimi i votave të anëtarësisë së PD në Dibër, primaret janë fituar nga një arsimtar, Premtim Kryemadhi i cili ka marrë 424 vota./E.K-CNA.al





Lajmet e fundit nga