E fundit!

07:18 Aktualitet

Këshilli i BE-së miraton sot heqjen e tarifave roaming me vendet e Ballkanit Perëndimor

Këshilli i Bashkimit Europian pritet të miratojë ditën e e...

“Opozita e Bashës ka tradhëtuar opozitarizmin”/ Manjani: Ndëshkim, por jo për hakmarrje

28 Janar 2022, 08:23, Politikë CNA

?Opozita e korruptuar është problem?. Kështu shprehet Ylli Manjani, ish Ministër i Drejtësisë, në një reagim të gjatë në rrjete sociale.

?Nuk kam më asnjë dyshim. Jemi këtu ku jemi, dmth që pakica elektorale bën shumicë moniste sunduese, ekskluzivisht për shkak të opozitës së korruptuar të Lulzim Bashës.

Asnjë dyshim nuk kam!?, shkruan Manjani.

Më tej Manjani ka rikthyer në vëmendje, marrëveshjen e 2017-së Rama-Basha, që sipas tij ka qenë jo trasnparente dhe që vijon të ndikojë edhe sot.

?Një marrëveshje jo transparente e 2017-ës që u bë ligj elektoral në 2021 legjitimuan qeverinë moniste të pakicës elektorale. Lulzim Basha është bashkautor në këtë korrupsion madhor electoral.

Në 2017-n firmosi me Ramën. Në 2021 pranoi me heshtje sistemin elektoral, që bëri Rama dhe që përsëriti 2017-ën.

Kjo sjellje quhen korrupsion politik. Devijuan vullnetin e shqiptarëve për qeverisjen e vendit?, shkran më tëj Manjani.

Sipas tij, kjo marrëveshje ka kontribuuar edhe në atë që quhet korrupsioni pasuror.

?Korrupsioni pasuror që denoncohet çdo ditë si: pjesmarrje e opozitës si aksionere në kompanitë e qeverisë, Përfitime me leje ndërtimi,

ndërtime kullash, Pastrim parash për të blerë mbështetje ndërkombëtare, etj, është thjesht çmimi që paguan pushteti për korrupsionin politik të opozitës.

Një opozitë e korruptuar legjitimon çdo korrupsion të pushtetit?, shprehet Manjani.

Ndërsa ligjërimet opozitare me oligargë, koncensione e kulla, sipas Manjanit, është teatër i shëmtuar, sepse opozita e korruptuar e Lulzim Bashës nuk e ka patur kurrë seriozisht.

?Ajo ka tradhëtuar besimin e njerëzve në mënyrë konstante.

Nga njëra anë nxirrte njerëzit në protestë, nga ana tjetër rriste çmimin tek pushteti. Sa më shumë pjesmarrje aq më i madh çmimi.

Ditën shaj oligarkët e natën merru gjobën, nuk ka emër tjetër përveç se tradhëti!!!

Ditën mbro Teatrin e natën e shembim për kulla, është teatër i korruptuar!

Ditën shaj kullat e natën bëhesh aksioner në to, quhet Korrupsion!

Ditën u shëmbin shtëpitë njerëzve e natën firmosin lejet e ndërtimin me pushtetin!!!

Ditën shaj koncensionet e natën lidh kontrata nënkontraktimi, do të thotë të japësh edhe opozitën me koncension!

Nuk hahet më kjo gjellë qensh!

Ky arsyetim bazuar në fakte që kemi përjetuar, nuk ka të bëjë fare me tradhtiçkat e Bashës kundër Berishës. Nuk ka të bëjë fare as me debatin e brendshëm në PD. Por ka të bëjë me vendin. Opozita e Bashës ka tradhëtuar opozitarizmin. Ka vrarë demokracinë dhe shpresën në këtë vend! Bunkeri është pak si ndëshkim për këtë korrupsion masiv politik.

Personalisht jam i zhgënjyer që opozitarizmin tim e kam vënë në dispozicion kësaj opozite politike që vrau shpresën për korrupsion!!!

Turp?! Nuk mjafton! Ndëshkim, por jo për hakmarrje.

Duhet drejtësi?, përfundon reagimin Manjani./E.S-CNA.al