web counter
LEXO PA REKLAMA!

SHKARKO APP

App Store
Google Play

E fundit!

x

Meta jep alarmin/ Gjendja është shumë e rëndë, kërkon reflektim të menjëhershëm

25 Janar 2022, 10:18, Politikë CNA

Presidenti i Republikës Ilir Meta ka reaguar pas publikimit të raportit të Transparency International, për Indeksin e Perceptimit të Korrupsionit në botë.

Në një postim në rrjetet sociale, Meta shkruan se këto të dhëna, për fat të keq, përputhen plotësisht me bindjen dhe perceptimin e përgjithshëm të qytetarëve, por edhe me paralajmërimet që km bërë prej kohësh.

Po ashtu, ai thekson se gjendja është shumë e rëndë dhe kërkon reflektim të menjëhershëm, efektiv dhe të përgjegjshëm!

?MJAFT KORRUPSIONIT! ? MJAFT PANDËSHKUESHMËRISË! ?
Ndërsa shtetet e Maqedonisë së Veriut dhe Kosovës kanë shënuar progres të ndjeshëm në luftën kundër korrupsionit, vendi ynë ka vazhduar përkeqësimin.
Në raportin e përvitshëm të Organizatës prestigjioze Transparency International, për Indeksin e Perceptimit të Korrupsionit në botë, Shqipëria ka pasur një rënie prej një pike në krahasim me vitin e kaluar, nga 36 në 35 pikë.

Këto të dhëna, për fat të keq, përputhen plotësisht me bindjen dhe perceptimin e përgjithshëm të qytetarëve, por edhe me paralajmërimet që kam bërë prej kohësh sa i përket nivelit të ulët të demokracisë në vend, mungesës së respektimit të lirive dhe të drejtave të njeriut, shfrytëzimit të pandemisë për të forcuar autoritarizmin, mungesën e llogaridhënies në të gjitha nivelet, abuzimet me fondet publike nëpërmjet koncesioneve, PPP-ve dhe inceneratorëve, situatë e rëndë që vijon të vrasë shpresën dhe të detyrojë gjithmonë e më shumë shqiptarë të largohen nga vendi, për ta ndërtuar jashtë Shqipërisë të ardhmen e tyre.
Gjendja është shumë e rëndë dhe kërkon reflektim të menjëhershëm, efektiv dhe të përgjegjshëm!?-shkruan Meta./CNA.al

TI: Shqipëria, një pikë rënie në Indeksin e Korrupsionit





Lajmet e fundit nga