web counter
LEXO PA REKLAMA!

SHKARKO APP

App Store
Google Play

Një zonjë në krye të Shtetit?/ Rama ngre dyshimet, kush do të zërë vendin e Metës

24 Janar 2022, 09:51, Politikë CNA

Kryeministri Edi Rama gjatë fjalës së tij sot në mbledhjen e grupit parlamentar të PS, tha se duhet të nisë puna për zgjedhjen e presidentit të ri, që do të zëvëndësojë Ilir Metën.

Ndërkohë, Rama ka ngritur dyshime se në krye të shtetit, mund të jetë edhe një zonjë.

?Në muajin prill do zgjedhim presidentin. Do ta zgjedhë ky grup parlamentar në radhë të parë.

Ndarja në dy PD na e bën të vështirë të gjejmë adresën se ku do ta kërkojmë dialogun me opozitën parlamentare, ndërkohë ne duhet të mendojmë për mënyrën sesi mund të këshillohemi me qytetarët edhe për këtë vendimarrje.

Duhet të mbledhim informacione nga njerëzit për figuren e re të presidentit apo presidentes së Republikës.?-tha Rama.

Më tej, ai shigjetoi presidentin Ilir Meta, ndërsa theksoi se ?presidenti i ri duhet të jetë një njeri normal?.

?Ne kemi përgjegjësinë e madhe qytetare, politike dhe kushtetuese që ti japim popullit shqiptar një kryetar shteti që të jetë normal.

Që ti ktheje normalitetin ligjor institucionit të Presidentit. Nuk do të bjerë nga qielli. Është mes nesh. Në territorin e Shqipërisë, apo edhe në territorin shpirtëror të Shqipërisë, se mund të jetë edhe jashtë Shqipërisë.

Ne kërkojmë një njeri normal. Një figurë moralisht dhe profesionalisht normale.?-tha Rama./CNA.al





Lajmet e fundit nga