web counter
LEXO PA REKLAMA!

SHKARKO APP

App Store
Google Play

“Deklarata e Palokës shpjegon kuvendet e PD”/ Patozi: Ja pse nuk u përballën me votë Basha dhe Berisha

23 Janar 2022, 19:45, Politikë CNA

Koordinatori i Bindjes Demokratike Astrit Patozi ka reaguar pas deklaratës së Edi Palokës, i cili u shpreh janë manipuluar votat që Lulzim Basha të bëhej kryetar i PD.

Në një postim në rrjetin social Facebook, Patozi shkruan se kjo deklaratë shpjegon më mirë veprimet e Bashës dhe Berishës për të mbajtur dy Kuvende, në data dhe vende të ndryshme.

Sipas tij, asnjëri nga këta të dy nuk ka patur siguri për manipulimin e votës ndaj dhe kanë shmangur një përballje mes njëti tjetrit në kutinë e votimit.

?DEKLARATA E PALOKËS SHPJEGON DY KUVENDET E PD

Deklarata e pafajshme dhe e sinqertë Palokës nuk ka ndonjë vlerë juridike, që mund të përmbysë balancat, dhe as mund të përdoret si një dëshmi me peshë të madhe politike, sepse nuk është ndonjë zbulim i madh.

Edhe pse i ka vënë njësoj në vështirësi, si “foltoren” e doktorit, ashtu edhe selinë e vulës së Lulit, ajo nuk çudit askënd në atë që ka mbetur në atë parti.

Ata e dinë të gjithë ç’kanë bërë, sa herë është zgjedhur kryetari i PD-së, që prej vitit 2013 e këndej, pavarësisht pozicioneve të sotme kundër njëri-tjetrit.

Por ajo vlen shumë për të kuptuar se pse Basha dhe Berisha e shmangën me të gjitha mënyrat dhe mjetet një përballje të drejtpërdrejtë me votë, por vrapuan secili në kuvendin e vet, njëri në stadium e tjetri në pallat.

Sepse askush prej tyre nuk kishte më siguri se do ta aplikonte më mirë se tjetri atë “mjeshtërinë” e manipulimit apo vjedhjes së votës, për të cilën foli, me ose pa qëllim, mbrëmë Edi Paloka?, shkruan Patozi./E.K-CNA.al





Lajmet e fundit nga