web counter
LEXO PA REKLAMA!

SHKARKO APP

App Store
Google Play

E fundit!

x

PS nuk voton planin e hetimit në Komisionin e inceneratorëve/ Tabaku: PD do të vazhdojë denoncimin e aferës korruptive

19 Janar 2022, 16:57, Politikë CNA

Në mbledhjen e Komisionit Hetimor për inceneratorët, Partia Demokratike ka prezantuar një plan hetimi, i cili nuk është votuar nga maxhoranca.

Pas mbledhjes së Komisionit Hetimor për inceneratorët, Jorida Tabaku në një deklaratë për mediat është shprehur se, PD është e vendosur të vazhdojë me denocimin e kësaj afere dhe do të publikojë çdo dokument dhe provë, që personat e përfshirë të dalin para drejtësisë.

?PD prezantoi një plan hetimi, kërkoi të zbatohej rregullorja. Ne kemi shumë informacione që kanë ardhur në rrugë jo zyrtare, ky komision hetimor ka një fitore të vogël, arrestimi Lefter Kokës që erdhi pas padisë së PD. Unë besoj se në zbatim të rregullores PS duhej të na lejonte të shtyhej. Kjo e drejtë nuk u lejua. Nëse në fillim të këtij komisioni ne flisnim për akuza, sot flasim për korrupsion, grup të strukturuar kriminal. PD është e vendosur ta vazhdojë denoncimin kësaj afere, të bëjë publikojë çdo informacion, deri kur personi i fundit i përfshirë në aferë, që për mendimin tonë është Edi Rama, të shkojë përpara drejtësisë?, tha Tabaku

Tabaku u shpreh se SPAK duhet të tregojë se nuk ka mbrojtje politike për askënd dhe se korrupsioni i inceneratorit duhet të jetë një këmbanë alarmi për buxhetin e Shtetit.

Në fund, Tabaku tha se në ditët në vijim do të vijojnë të publikojnë dokumenta dhe prova të tjera në lidhje me aferat korruptive.

?Nuk na ndalojnë jo vetëm për incenearorët pro edhe për aferat e tjera korruptive.  SPAK duhet të tregojë vendosmëri, duhet të tregojë se nuk ka mbrotje politike për askënd.

Korrupsioni i i inceneratorit duhet të ishte një këmbanë alarmi për buxhetin e shtetit. Në ditët në vijim do të publikojmë dokumente, prova të reja që do t?i dorëzojmë në SPAK?, u shpreh Tabaku./ CNA.al





Lajmet e fundit nga