E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Pandemia ‘paralizon’ kulturën, shtyhen shfaqjet teatrale në Tiranë

15 Janar 2022, 19:55, Kulturë CNA

Pandemia ka bllokuar jetën kulturore në Tiranë. Shtimi i rasteve me COVID-19 ka bërë që shumë aktorë të angazhuar në shfaqje të preken me koronavirus e për rrjedhojë aktivitetet të pezullohen.

Tearti i Kukullave do të jetë i mbyllur këtë fundjavë pasi disa aktorë kanë rezultuar me COVID 19 duke bërë që shfaqjet të shtyhen në një afat të pacaktuar.

Por, në fakt kjo sjellë një paralizim të jetës kulturore për publikun e vogël apo për fëmijët e Tiranës, pasi edhe Cirku Kombëtar prej kohësh duke mos pasur hapësira nuk ka ekzekutuar shfaqje artistike.

Teatri në jetën e Amelias ka qenë i pandashëm qëkur ajo ishte 6 vjeçe, por këtë fundjavë 9-vjeçarja do t?i duhet të mendojë të bëjë diçka tjetër.

?Po e mendoja që të shkoja tek teatri. Nuk është se u ndjeva shumë këndshëm tani që është mbyllur?, u shpreh vogëlueshja.

Për prindërit nga ana tjetër, është angazhim që kohën e lirë të fëmijëve ta mbushin jo vetëm me argëtim por edhe me edukim.

?E ndjeja tek fëmija si mungesë të diçkaje dhe mundohen t?ja kompensoj me diçka tjetër?, u shpreh Arta Topuzi.

Mes Teatrit dhe Cirkut, Amelia pëlqen më shumë këtë të fundit, ndërsa mamaja e saj Arta, shprehet e keqardhur për mungesën e Cirkut Kombëtar.

Teatri Kombëtar kishte planifikuar që Janarin e 2022 ta niste me shfaqjen e ?Coriolanus? ne datat 7, 8, 9 Janar, por për arsyet shëndetësore të një prej aktorëve vendosën ta shtynin atë më 13.

Por, edhe me planifikimin e dytë shfaqja nuk mundi të vihej pasi dy prej aktorëve të kastit rezultuan me COVID 19. Në shfaqjet e para që u vunë në dhjetor të 2021, ajo u prit shumë mirë nga spektatorët.

Ndërsa Teatri i Operas dhe Baletit do t?i nisë aktivitetet në fund të janarit, me kalendarin e ri artistik.

?Do nisë në javën e fundit të janarit me dy koncerte dedikuar dy nga themeluesve, figurave më me vlerë që ka pasur teatri jonë në historinë e tij?, u shpreh Zana Çela.

Deri më tani i vetmi që po dhuron shfaqje për publikun kryeqytetas mbetet Teatri Eksperimental, me veprën ?Unë, Mephisto?.

Teksa popullsia në Tiranë po rritet, lind pyetja a mjaftojë vetëm këto aktivitete për të mbajtur gjallë jetën kulturore dhe për t?ju përgjigjur kërkesave të qytetarëve.

Ndërsa tani pandemia, edhe këtë jeta kulturore e ka bllokuar duke mos i lënë qytetarëve shumë mundësi zgjedhjeje./euronews