web counter
LEXO PA REKLAMA!

SHKARKO APP

App Store
Google Play

E fundit!

x

Juria skandaloze e festivalit të 60-të në RTSH

27 Dhjetor 2021, 19:35, Kulturë CNA

Festivali i 60-të i Këngës në RTSH do të ngrejë sot siparin e tij në Pallatin e Kongreseve.

Festivali këtë vit do të moderohet nga Xhemi Shehu, Jonida Maliqi, Isli Islami, Kelvi Kadilli, me drejtimin artistik të Elton Dedës.

Në natën e parë live do prezantohen 20 këngët pjesëmarrëse shoqëruar nga performancat e artistëve që garojnë.

Në festivalin e 60-të, do të konkurrojnë midis tyre këngët e interpretuara nga Alban Ramosaj, Denis Skura, Evi Reçi, Gjergj Kaçinari, Janex (Xhejn Kumrija), Kastro Zizo, Kelly, Mirud, Rezarta Smaja, Ronela Hajati, Saimir Çili, Stefi dhe Endri Prifti, Shega, Urban Band, Eldis Arrnejti, Ester Zahiri, Kejsi Rrustja, Olimpia Smajlaj, Viola Xhemali dhe Xhuljana Pjetra.

Pak para nisjes, ka dalë edhe lista me emrat e jurisë së këtij viti.

Anxhela Peristeri, Agim Doçi, Anxhela Faber, Osman Mula, Rozana Radi, Olsa Toqi dhe Olti Curri, janë ata që do gjykojnë dhe japin vlerësime për këngët pjesëmarrëse.

Ajo që bie në sy mes listës së gjatë të jurisë, janë emrat e Olti Currit (bloger) që nuk dihet se çfarë përfaqëson mes emrave të mëdhenj të muzikës.

Festivali do të drejtohet edhe nga Ardit Gjebrea, megithëse ky i fundit është justifikuar se do të jetë më shumë si dëshmitar i një historie, kjo është në konflikt të hapur interesi pasi ai vetë është producent i një tjetër festivali muzikor si Kënga Magjike.

Kujtojmë që çdo vit Festivali i RTSH është shoqëruar me debate, polemika dhe akuza  të shumta për  pazare në përzgjedhjen e këngëve dhe fituesin e tij.

Ndërkohë që emri i Ardit Gjebreas dhe i atyre në juri pa asnjë lidhje me muzikën, pritet të jenë vetëm fillimi i  diskutimeve që pritet ta shoqërojë festivalin e 60-të të Këngës në RTSH./CNA.al





Lajmet e fundit nga