E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Basha refuzohet në masë nga demokratët/ Në tre postime, gati 1 mijë komente kundër

9 Janar 2022, 18:15, Politikë CNA

Lulzim Basha është i pa dëshiruar në politikë. Kjo është kërkesa e mijëra demokratëve, të cilët po deklarojnë çdo ditë e më shumë se nuk e duan më në krye të PD. Të vetmit që “e preferojnë” janë persona pa identitet, që me adresa falso i japin zemër në rrjetet sociale, me komente pozitive.

Nga pasditja e djeshme, ose e thënë ndryshe brenda 24 orëve të fundit, Lulzim Basha në faëen e tij në Facebook ka shpërndarë tre video; një deklaratë për media, një nga protesta që u mbajt dje dhe një postim duke shoqëruar gazetarët në ambientet e brendshme të selisë.

Ajo që bie në sy në këto pak postime, janë mijëra komente kundër Bashës, komente që i merr drejtpërdrejt në faqen e tij zyrtare, pa marrë në konsideratë ato kritika që bëhen në faqe të tjera.

CNA.al bëri një vëzhgim në profilin zyrtar të Bashës dhe në tre postimet e fundit duke numëruar rreth 1 mijë komente negative, që kërkojnë largimin e tij nga partia.

Të shumtë janë edhe ata që e akuzojnë si bashkëpunëtor të Ramës dhe falë kësaj vijon të qëndrojë ende në zyrë.

Akuzat ndaj Bashës shtohen edhe më tej, sa i takon dhunës që ushtroi ndaj demokratëve, duke i vënë në dukje se janë ata që deri më sot e kanë votbesuar dhe nuk duhet ti trajtonte në atë mënyrë.

Të vendosur kundër tij, demokratët shprehin bindjen e tyre se do të vijojnë rezistencën e tyre kundër Bashës dhe Ramës, por edhe atyre pak personave që kanë ngelur akoma në selinë blu.

Nën ?shigjetën? e sulmeve, është përfshirë edhe kunati i Bashës, Erjon Isufi, që për demokratët është përfituesi i milionave falë mbështetjes së qeverisë.

I ndodhur në këto kushte, Basha vijon të ëndërrojë se ka mbështetjen më të madhe nga demokratët, se ai ka shumicën krah vetes.

E ata që Luli i quan mbështetës, janë një grup njerëzish, të cilët mundohen të mbushin numrin e komenteve në Facebook. Nga vëzhgimi i redaksisë, rezultoi se persona me adresa false, brenda një postimi bënin një numër të madh komentesh, për të krijuar idenë se Basha ka shumicën, ndonëse e vërteta ashtu edhe siç duket është ndryshe./E.K-CNA.al