E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Basha ka shtuar me mijëra kundërshtarë”/ Grupimi “Dhjetor 90”: Do qëndrojmë në sheshe, liria nuk vjen nga bunkeri

9 Janar 2022, 18:39, Politikë CNA

Grupimi ?Dhjetor 90? ka komentuar situatën e rëndë që u krijua në PD, ku pas bunkerizimit të selisë, Basha dhunoi demokratët.

Në një deklaratë, thuhet se Basha me veprimet e tij tashmë ka shtuar me mijëra kundërshtarë ndaj vetes së tij, ndërsa i ka bërë thirrje se nuk ka për të ndodhur më që ta mbrojë Edi Rama bashkë me policinë e tij, siç ndodhi dje.

Grupini ?Dhjetor 90? thekson më tej se do të vazhdojnë të qëndrojnë nëpër sheshe sepse e kanë bindje që liria dhe demokracia vijnë nga sheshet dhe jo nga bunkerat.

Deklarata e plotë:

Liria dhe demokracia fitohen dhe mbrohen vetëm nëpër sheshe, ky konstatim na vjen nga historia.

Nëpër bunkere mbrohet krimi dhe fshihen diktatorët.

Ne anëtarët e Grupimit “Dhjetor 90” si një bashkësi idealistësh i përkasim atij grupi që lirinë dhe demokracinë e kërkojmë dhe e fitojmë nëpër sheshe.

Këtë përvoj për të parën herë e kemi krijuar në Dhjetor të vitit 90, kur nga Sheshi Demokracia në Qyteti Studenti e nisëm betejën për shëmbjen e diktaturës komuniste.

Këtë përvoj e kemi konsoliduar ndër vite dhe e kemi shndërruar në bindje.

Demokracia dhe liria nuk mund të ngujohen nëpër seli partish dhe aq më pak në bunker të blinduar.

Me vullnetin pozitiv u munduam dhe bëmë cdo përpjekje deri në fund që të shtrinim urat e dialogut me Lulzim Bashën dhe grupin e tij të bunkerit, duke përdorur fjalën dhe çdo lidhje njerezore, por nga bunkeri morëm përgjigjen e ftohtë: s?ka bisedime me shumicen e demokratëve.

S?kërkuam asgjë më shumë veç asaj që e kemi bërë publike në letrën që u detyruam ta publikojmë rreth orës 17.00 në datën 7 Janar 2022 kur ndeshëm me jo-në e tij të prerë.

Në atë letër dhe në tentativat tona për dialog nënvizohej:

1-Hapi dyert e selisë së PDSH-s.

2-Hiqi bravat nga zyrat e atyre që janë kundërshtarët tuaj të përkohshmë në PDSH.

3-Ulu në bisedime me Grupin për Rithemelimin e PDSH-s

Kaq? asgjë më shumë, por në nuk e dinim dhe nuk e besonim që ai kishte plane djallëzore, plane kriminale.

Ne si idealist nuk e besonim se pengmarrja kishte shkuar deri në përmasat e prodhimit të një krimi nazist që do ti çonte ciftin Basha-Bardhi të përdornin gazin mbytës kundër demokratëve që donin të vizitonin shtëpinë e tyre.

Ne nuk e besonim që ata të dy dhe 20-30 përsona të tjerë rreth tyre kishin ndërtuar bunker në selinë e demokratëve njëlloj si Hitleri, si Sadam Hyseini apo Gedafi.

Ngjarjet e djeshme në Selinë e demokratëve ku drejtuesit dhe anëtarët e grupimit tonë morën pjesë masive na trishtuan pa masë, përvec trishtimit na sollën në mendje Ramiz Alinë, Spiro Kolekën, Xhelil Gjonin dhe Hekuran Isain.

Vecse dhuna, egërsia dhe intoleranca e treguar dje ndaj demokratëve ishte më monstruoze, më e ligë dhe më bizare se ajo e Ramiz Alisë dhe Hekuran Isait në Dhjetor të vitit 1990.

Ramiz Alia e pranoj dialogun, Lulzim Basha jo.

Hekuran Isai ushtroj dhunë me shkopinjë gome, por jo me gaz vdekjeprurës.

Po në i kujtojmë Lulzim Bashës i cili fshihet pas kostumit dhe kollares njëlloj si Bashar Al-Assad-i i cili ka vite që vret dhe e nxjerr jashtë atdheut popullin e tij.

I cili fshihet pas flamurit amerikan njëlloj si Sadam Hyseini për vite e dekada.

I cili është fshehur pas dogmave, lidhjeve mafioze dhe korruptive që i ka siguruar regjimi i Edi Ramës.

Që qysh dje me veprimet tua naziste ke dalë lakuriq bashkë me Bardhin dhe 20-30 eksponent të krimit ordiner që kishin afruar shërbimet e tyre në mbrojtje të sektit tënd.

Lulzim Basha që dje i ka siguruar vetës së tij fundin e turpshëm të diktatorucëve akoma po e shijuar karrigen aq shumë të dëshiruar prej tij të cilën s?do të mund ta ëndërroj më kurrë .

Ti vet e fute vetën në bunker o mjeran.

Ti mendon që prapë do të mbrojë Edi Rama dhe policia e tij por kjo s?do të mund të ndodhë më kurrë, sepse jashtë bunkerit tënd të zi me veprimet tua dhe të sektit tënd përvers që dje i ke shtuar qindra e mijëra kundërshtarë të rinjë që deri dje i ke mashtruar me kostumin dhe kollaren tëndë të ngjashme me atë të Bashar Al-Asadit.

Erdhe në politik nga dritarja por me veprimet tua me çka po duket do të dalësh si një re tymi e zezë nga oxhaku i bunkerit që e ndërtove me duart e tua.

Kur të ndodhë kjo së afërmi s’kanë për të mëshiruar as vajzat tua dhe aq më pak kunati që do të jetë arratisur në ndonjë vend ekzotik duke prishur paratë e përfituara nga korrupsioni dhe trafiku i favorizuar prej statusit tënd si ministër i plotëfuqishëm, si kryebashkjak dhe si kryetar i opozitës së lëshuar me qira të kreu i mazhorancës.

Ne do të vazhdojmë të qëndrojmë nëpër sheshe sepse e kemi bindje që liria dhe demokracia vijnë nga sheshet dhe jo nga bunkerat.

Kryetari

Bislim AHMETAJ/E.K-CNA.al