web counter
LEXO PA REKLAMA!

SHKARKO APP

App Store
Google Play

Abuzimi me tenderin e uniformave të Policisë/ Dënohet me burg ish-drejtoresha

30 Dhjetor 2021, 13:59, Kronika CNA

GJKKO ka dënuar me një vit burg, ish-drejtoreshën Edlira Naqellari, e vënë në pranga , lidhur me një tender abuziv në Ministrinë e Brendshme për uniformat e policisë, i cili çoi në arrestimin e 9 zyrtarëve.

Po ashtu GJKKO ka dënuar nga 8 deri në 1 vit burg Fatmir Demneri, Mariglen Buzali, Gezim Mingaj, Anisa Bogdani, Klevis Hasani, Flutura Cerkezi, Ani Omuri, Kreshnik Bejkaj.

Ish drejtoresha e Agjencisë së Blerjeve të Përqendruara, Edlira Naqellari dhe bashkëpunëtorët e saj anëtarët e njësisë së prokurimit, Flutura Çekrezi, Ani Omuri, Kleivis Hasani dhe anëtarët e komisionit të vlerësimit të ofertave, Kreshnik Bejkaj, Fatmir Demneri, Mariglen Buzali dhe Gëzim Mingaj akuzohen nga SPAK për shkelje të barazisë së pjesëmarrësve në tendera apo ankande publike.

Kujtojmë se SPAK mësyu në Ministrinë e Brendshme më 10 korrik, ku u arrestuan ish-drejtoresha e Agjencisë së Blerjeve të Përqendruar Edlira Naqellari bashkë me ish-zyrtarët e tjerë.

Këto arrestime u bënë në lidhje me tenderin abuziv të 11 majit 2020 në lidhje me uniformat e policisë me vlerë 2.8 miliardë lekë, të akuzuar për shkelje të barazisë në tendera.

SPAK përgjoi dhe vëzhguar 9 zyrtarët dhe ish-zyrtarët e Ministrisë së Brendshme, ndërsa kanë qenë bashkëpunëtorët e drejtësisë ata që kanë ‘zbërthyer’ skemën e abuzimit me tenderin. Ky tender është refuzuar të firmoset nga një anëtar i Komisionit dhe një anëtar i prokurimeve./CNA.al

Korrupsioni me uniformat e Policisë/ Zbardhen detaje të reja, çfarë deklaroi kryekomisioneri  





Lajmet e fundit nga