“Do jetë një janar i nxehtë”/ Ngjela tregon çfarë fshihet pas skandalit të publikimit të pagave

29 Dhjetor 2021, 08:32, Aktualitet CNA

Avokati Spartak Ngjela ka komentuar skandalin e publikimit të të dhënave personale të mijëra qytetarëve shqiptarë.

Në një postim në rrjetet sociale, Ngjela shkruan se kjo duket se është një skemë e studiuar për të filluar aktin e fundit drejt eliminimit të korrupsionit në Shqipëri, në një spektër shumë të gjerë

?Kjo po duket se është një skemë e studiuar për të filluar aktin e fundit drejt eliminimit të korrupsionit në Shqipëri, në një spektër shumë të gjerë. Po të jetë kështu, Shqipëria ka hyrë në triumfin e saj historik.

Shenjat janë se po tregohet që, në listën e pagave, janë vendosur bashkë: qeveri, deputetë, gazetarë dhe krimi i lidhur me politikën e lartë shqiptare. Shenjat të japin të kuptuar që aty brenda dallon se ka qenë nën investigim evozioni fiskal, pastrimi i parasë, korrupsioni qeveritar, dhe një sërë edhe më e gjatë e hetimit të krimit shtetëror dhe krimit të organizuar; në të dy krahët e politikës.?-shkruan Ngjela.

Më tej, avokati thekson se shenjat janë se, ky që po vjen, do të jetë një janar i nxehtë.

?Por, këtu del kjo pyetje: ata që e kanë nisur këtë shfaqe, a do ta kalojnë edhe tek kontot bankare dhe pronat e paluajtshme?

Në fakt kjo pritet të shihet; dhe po u shfaq si e tillë, atëherë ajo që shpreha në këtë shkrim është një e vërtetë faktike.

Duhet pritur. Por shenjat janë se, ky që po vjen, do të jetë një janar i nxehtë.

As qeveria dhe as opozita nuk po flet për këtë ngjarje. Është kjo, frikë apo mospërfillje? Po për qeverinë Rama, çfarë është?

Deri tani duket se qeveria Rama nuk i shpëtonte dot përgjegjësisë; megjithatë duhet pritur nëse do ta ketë apo jo vazhdimësi në këtë proces brenda apriorizmit për një proces antikorrupsion, ashtu siç u shpreha më lart në këtë analizë.?-përfundon postimin e tij Ngjela./CNA.al