web counter
LEXO PA REKLAMA!

SHKARKO APP

App Store
Google Play

E fundit!

x

Prezantohet harta e re gjyqësore/ Llagami: Më pak gjykata dhe më shumë cilësi

28 Dhjetor 2021, 09:11, Aktualitet CNA

Këshilli i Lartë Gjyqësor, Këshilli i Lartë i Prokurorisë dhe Ministria e Drejtësia kanë rënë dakord për një hartë të re gjyqësore.

Mësohet se harta e re parashikon 12 gjykata të shkallës së parë të juridiksionit të përgjithshëm, dhe vetëm 1 gjykatë apeli për juridiksionin e përgjithshëm dhe atë administrative.

Sa i përket gjykatave të shkallës së parë administrative parashikohet të jenë 2, në Lushnjë dhe në Tiranë.

Ndërkohë, kryetarja e Këshillit të Lartë Gjyqësor, Naureda Llagami në prezantimin e hartës së re gjyqësore deklaroi se koncepti kryesor është më pak gjykata dhe më shumë cilësi.

Ajo theksoi se qytetarët kanë nevojë për shërbime ligjore, ndërsa shtoi se të gjithë së bashku duhet të tregojnë se janë gati për të marrë vendime të vështira.

“Duhet të artikulohen ndërhyrje të tjera sa më shpejt dhe se duhen zgjidhje të besueshme ku mbi të gjitha fiton qytetari. Kërkohet një vizion që duhet t?i përgjigjet zhvillimeve të infrastrukturës. Jam dakord me shqetësimin se qytetarët kanë nevojë për shërbime ligjore. Situata shqetësuese krijua në 30 vjet. Nuk është akses gjykata në çdo lagje. Koncepti ynë është më pak gjykata dhe më shumë cilësi.. Mendoj e fakti që jemi të gjithë këtu sëbashku tregojnë se jemi të hapur për shqetësimet dhe tashmë vendimet e vështira duhet t?i marrim të gjithë bashkë?, tha Llagami./CNA.al





Lajmet e fundit nga