web counter
LEXO PA REKLAMA!

SHKARKO APP

App Store
Google Play

E fundit!

x

Sherri në fundin e ndeshjes, Vitija tregon tregon si e goditi trajneri i Kastriotit

20 Dhjetor 2021, 12:15, Sport CNA

Ndeshja mes Skënderbeut dhe Kastriotit është përjetuar si një finale e vërtetë për mbijetesën dhe tensioni ishte i pashmangshëm në fushën e lojës, por edhe pas ndeshjes. Pas vërshëllimës përfundimtare, ka pasur tension në fushë, teksa vihet re edhe edhe një moment i shëmtuar kur trajneri i Kastriotit, Ndreu godet me shkelm lojtarin e Skënderbeut, Vitijën. Futbollisti bardhekuq, ka rrëfyer incidentin për “Panorama Sport”, duke treguar me detaje çfarë ndodhi.

“Nuk e di se çfarë ka pasur trajneri Ndreu dhe Greca në atë reagim që kanë bërë, por mund të them se ishte një shfaqje e shëmtuar. Në përfundim të takimit u mblodhëm si zakonisht për të festuar fitoren, por si unë dhe Rexhepi pamë që disa prej lojtarëve të Kastriotit po debatonin me zv.trajnerin Gentian Liçi. U afruam për të qetësuar situatën dhe për të mos lejuar një përplasje fizike. Në atë moment vjen Greca që pasi ofendon, përplaset me Rexhepin.

Unë ndërhyra që të shmangia debatin duke thënë se nuk ishin gjëra që shkonin për shtat në fund të takimit. Ndërsa po qetësoja Grecën dhe Rexhepin, vjen trajneri i Kastriotit dhe fillon ofendimet karshi meje dhe kryesisht ndaj Bekim Rexhepit. Iu afrova dhe me qetësi i thashë se nuk duhet të sillet kështu. Ai më ofendoi dhe më pas më goditi. Nuk e kuptova këtë sjellje të tijën, por ishte tepër e rëndë?, qartësoi incidentin e fundlojës mbrojtesi i Skenderbeut, Leonat Vitija.





Lajmet e fundit nga