web counter
LEXO PA REKLAMA!

SHKARKO APP

App Store
Google Play

VIDEO/ Musta shënon në të dy portat, Kukësi fiton me përmbysje ndaj Partizanit

19 Dhjetor 2021, 17:55, Sport CNA

Kukësi ka fituar me rezultatin 2-1 suspersfidën kundër Partizanit, duke u kthyer përsëri te sukseset, edhe pse ka vuajtur shumë dhe i është dashur pak fat që të siguronte tre pikët.

Sfida foli më shumë për të kuqtë të cilët ia dolën të shënonin shpejt me një goditje dënimi të Mustës dhe më pas krijuan e shpërdoruan disa raste të mira para portës kundërshtare. Reagimi i Kukësit ishte i dobët në pjesën e parë dhe munguan rastet e mirëfillta, duke tentuar më shumë gjuajtjet nga jashtë zonës.

Por gabimi i zakonshëm i prapavijës së Partizanit ndryshoi gjithçka. Musta nuk pa daljen para të Teqjes dhe gjeti në kundërkohë portierin duke çuar topin në portën e tij e barazuar rezultatin.

Kukësi përfitoi nga tronditja e të kuqve dhe u hodh në sulm, duke gjetur edhe golin e dytë pas një kombinimi spektakolar te Feizhaos me Taipin dhe këtë të fundit që lëshoi një goditje të pakapshme për Teqjen. Më pas, ekipi i Longos u mbrojt mirë dhe nuk la hapësira, duke marrë tri pikë të arta në luftën për titull.

KUKËSI-PARTIZANI 2-1
70? (ag) Musta, 83? Gj. Taipi / 11? Musta

83? GOOOL Kukësi. Feizhao pason me thembër për Taipin dhe ky i fundit hyn në zonë lehtësisht duke lëshuar të majtën e tij e shënuar një supergol.

70? GOOOL Kukësi. Në fakt është autogol, pasi Musta nuk sheh daljen e Teqjes dhe dërgon sferën në portën e skuadrës së vet me një pasim të gabuar mbrapa.

11? GOOOL Partizani, të kuqtë gjejnë golin pas një goditje dënimi të ekzekutuar nga Musta.

 





Lajmet e fundit nga