web counter
LEXO PA REKLAMA!

SHKARKO APP

App Store
Google Play

E fundit!

x

Superiorja “zjarr”, njihuni me 3 supersfidat e ditës së sotme

19 Dhjetor 2021, 08:30, Sport CNA

Superiorja do të luajë ditën e sotme 3 ndeshjet e radhës për javën e 14-të. Takimet do të luhen në 3 orare të ndryshme dhe gjithçka do të nisë në Rrogozhinë me ndeshjen Egnatia-Laçi. Vendasit po kalojnë një moment të vështirë pasi kanë pësuar 4 humbje radhazi dhe përballë Laçi kërkojnë të rikthehen te fitoret. Nga ana tjetër kurbinasit kanë fituar 3 takimet e fundit dhe përballë vendit të parafundit të renditjes kanë një tjetër shans të artë të afrohen me kreun.

Në orën 16:45 të gjithë sytë do të jenë në ?Loro Boriçi? me supersfidën Kukësi-Partizani. Skuadra e drejtuar nga Longo nuk fiton prej dy takimesh radhazi dhe në këtë ndeshje do të tentojë të marrë 3 pikëshin. Ndryshe nga Kukësi, Partizani vjen me moralin e lartë në këtë takim pas fitores në derbi. Skuadra e Dajës do sfidojë një rival direkt dhe një fitore sot do të ishte një bonus I madh jo vetëm për pikët, por edhe nga ana psikologjike.

Java e 14-të do të mbyllet me supersfidën tjetër, Tirana-Teuta. Skuadra kryesuese do të përballet me kampionët në fuqi që në këtë ndeshje do të drejtohen nga Edi Martini i rikthyer në stol. Të dyja ekipet do të kërkojnë me çdo kusht fitoren pasi Tirana vjen në këtë sfidë nga humbja në Laç, kurse Teuta nga barazimi me Kukësin.

Java e 14-të

Egnatia-Laçi 13:45

Kukësi-Partizani 16:45

Tirana-Teuta 19:45





Lajmet e fundit nga