web counter
LEXO PA REKLAMA!

SHKARKO APP

App Store
Google Play

E fundit!

x

Napoli tabu për Milanin në “San Siro”, Interi kampion dimri

19 Dhjetor 2021, 21:57, Sport CNA

Napoli mbetet një tabu, Spalleti po ashtu. Milani bie në ?San Siro? me rezultatin minimal 0-1 dhe lë vendin e dytë për ?Axurrët?, ndërsa Interi tani kryeson me katër pikë diferencë nga kuqezinjtë.

Elif Elmas shtagu Milanin në minutën e pestë, pas një goditjeje këndi. Lojtari i Maqedonisë së Veriut me kokë e çoi topin në rrjetë dhe Napoli e pa veten në avantazh.

Milani u hodh në sulm dhe kishte dy mundësi të mira shënimi që në pjesën e parë. Fillimisht Ibrahimovic (18?), i cili goditi me kokë pas një krosimi të Ballo Toure. Topi shkoi ngjitur me shtyllën.

Florenci dha sinjalin tjetër, me një goditje fluturimthi që për pak befasoi Napolin. Miqtë e ruajtën epërsinë në 45 minutat e para dhe kuqezinjtë sërish e nisën në sulm.

Ospina nuk lejoi Zlatan Ibrahimovic të shënonte në të 49?. Më vonë tentoi edhe Messias, që goditi jashtë. Minuta e 90-të solli rastin më të diskutueshëm, pasi Kessie shënoi dhe goli u anulua me VAR për pozicion jashtë loje.

Minutat shtesë nuk sollën asgjë të re dhe Napoli mori tre pikët, çka e shpall Interin kampion dimri që këtë javë.

SERIE A ? JAVA 18
Milan-Napoli 0-1
Shënues: Elmas 5?





Lajmet e fundit nga