Sot referendumi për shkarkimin e Bashës/ Me parimin 1 anëtar një votë, votohet në të gjitha degët e PD në rrethe

18 Dhjetor 2021, 06:40, Politikë CNA

Në të gjitha degët e PD në vend sot mbahet referendum për shkarkimin e Lulzim Bashës.

Votimet do të nisin në orën 8 të mëngjesit deri në orën 17. Fleta e votimit u jep dy mundësi demokratëve të votojnë pro ose kundër shkarkimit të Bashës.

Risi në këtë referendum është edhe logo dhe vula e re PD-së.

Një ditë më parë u prezantuar edh komisioni për drejtimin e referendumit.

Komisioni kryesohet nga Albana Vokshi, me anëtarë Ervin Minarollin, Eno Bozdon, Edit Harxhin dhe Keltis Krujën.

Votime në degë

Në Durrës janë 2700 anëtarët e kësaj partie janë ftuar në Pallatin e Kulturës të shprehin me votë vullnetin e tyre.

Dega Krujë, e cila ka rreth 700 anëtarë, do të votojnë në dy qendra votimi, një në Thumanë dhe një në Krujë. Në Kruje e Thumanë votohet në lokale, ambiente të marra me qira.

Në Fushë-Krujë, votimi pritet të zhvillohet në një pikë të vetme, te qendra shëndetësore, ku është dhe zyra e partisë.

Në bashkinë e Korçës ka një qendër votimi, që do të jetë te ish-kinema Millemium. Edhe në Pogradec do të jetë po një qendër votimi, te kinemaja e qytetit. Në Korçë janë 3500 anëtarë, në Pustec 3600. ndërsa në Pogradec janë 900 anëtarë.

Në Gjirokastër janë gjithsej 1100 anëtarë të PD me të drejtë vote, ndërsa janë ngritur 4 qendra votimi pë të votuar për shkarkimin e Bashës. Në Gjirokastër qendra e votimit do të jetë në Pallatin e Sportit, në Lazarat do të jetë në një lokal në qendër të fshatit, në Libohovë në një lokal në qendër të qytetit dhe në Urën e Kardhiqit do të votohet te ish-zyra elektorale e PD.

Në Vlorë janë rreth 1400 anëtarë të PD-së, ku qendra e votimit do të jetë pranë selisë së PD në qytetin bregdetar. Nga një qendër votimi do të ketë edhe në Selenice e në Himarë.

Në Elbasan, ku është thënë se votimi do të kryhet brenda ambienteve të degës së PD në këtë qytet.

Në Shkodër janë 9 qendra votimi në ambiente private të marra me qira (Stadiumi, sheshi Isa Boletini, Velipoje, Dajç, Bërdicë, Postribë, ana e malit, rrethina etj.) Janë 600 mijë anëtarë dhe numërim do të bëhet në qendrat ku edhe do të votohet

Në degën e Partisë Demokratike të Lezhës janë rreth 2500 anëtarë votimi do të bëhet në ambientet e pallatit të kulturës ?Dedë Ndue Lazi?.

Në Kurbin janë 1200 anëtare dhe votimi do të bëhet në zyrën e Partisë Demokratike. Në Mirditë janë 800 anëtarë dhe votimit do bëhet në një ambient privat përballë katedrales

Në Tiranë anëtarët e Partisë Demokratike do të votojnë disa nëpër zyrat e degëve dhe disa nëpër lokale. Kështu në degën nr. 1 në Tiranë do të votojnë në zyrën e degës. Në degën nr.2 në Tiranë do të votohet në lokalin ‘Bar Amerika pranë Ambasadës Amerikane.

Në degën nr. 3 në Tiranë do të votohet në zyrën e degës, në Xhamllik. Në degën nr.4 do të votohet në lokalin Pëllumbat e Paqes.

Në degën nr.5 anëtarët e PD-së do të votojnë pranë zyrave Aleat Komp KIKA2. Në degën e PD-së, nr. 6 do të votohet pranë lokalit ‘Kombi Art’ rruga Lambi Bonata kryqëzimi i rrugës Qelqit.

Në degën nr. 7 do të votohet në zyrën e degës. Në degën nr.8 do të votohet 100m mbi gjimnazin Partizani. Në degën nr.9 do të votohet në zyrën e degës tek Treni.

Në degën nr.10 do të votohet në zyrën e dëgës. Në degën nr.11 në Tiranë do të votohet në një ambient afër AMC.

Në degën nr.12 do të votohet pranë lokalit Elze Bathirja, në Farkë e Vogël. Në degën nr.13 do të votohet në Yrshek, përballë Uzllovës. Në degën nr.14 do të votohet në rrugën nacionale në Dajt.

Në degën nr.15 do të votohet në lokalin ‘Besnik Kodra’ Pez Helms. Në degën nr.16 në Tiraën do të votohet në zyrën e PD-së. Në Vorë do të votohet në zyrën e PD-së.

Në Kamëz do të votohet në dy qendra votimi, në zyrën e degës në bulevardin Blu në Kamëz dhe në zyrën e degës në bulevardin Blu në Bathore. Në Paskuqan do të votohet në zyrën e degës.